0

北海道2008 - 秋の自駕遊(II)

大力 於 2008-10-07 00:00:00 發表  |  累積瀏覽 613

分類:長線旅遊 餐廳 特色景點 其他 ;地區:日本
Day 3 : 富良野 - 札幌


       
1個幾鍾車程就去到札幌, 不過就落緊雨, 先去最大嘅中央場外市場行左一陣.




    札幌-場外市場, D店舖好大間同好多野賣.



   揀左一陣冇咩靈感, 最後都係去有人推介過嘅北の漁場食野.



   札幌-場外市場-北之漁場-朝市丼(¥1,050), 知道小樽同函館都係食海鮮丼, 所以叫左個比較普通嘅朝市丼, 但係材料都好新鮮, 好味道. 



札幌-場外市場-北之漁場-燒帆立貝刺身定食(¥1,480)



    札幌-場外市場-北之漁場-秋刀魚刺身(¥780), 魚味重, 秋天嘅秋刀魚真係特別肥美.



食完場外市場之後雨下個不停, 就去行吓札幌JR駅旁嘅Paseo, Stellar Place, Esta等Shopping Mall, 然後就揸車去酒店Check In, 途中經過道廳, 差D唔認得. 因為前兩次黎見到都係鋪滿晒白雪. 


    我地今次揀左係狸小路傍嘅RichmondHotel(¥8,600), 又有專用車位(¥1,000), 行街更加方便.



Check In 完就馬上去和牛放題醫肚, 出發前攞晒資料, 好快就揾到係Robinson樓上嘅"禪" 啦 



叫左和牛放題(每人¥2,980), 仲可以Sukiyaki + SabuSabu鴛鴦窩兩種食法.







  雪花和牛鮮嫩甘香, 因為唔想去得太盡, 所以2個人都係食左4盆. 




  SabuSabu+Sukiyaki, 一次滿足兩個願望, 認真和味, 好滿意嘅一餐.

  
   食完行吓夜街, 呢到就係札幌市中心, 薄野區.    



   札幌-薄野-拉麵橫丁,食完"禪"仲係好飽, 如果唔係就可以番碗拉麵.




  札幌-狸小路, 行完薄野再行狸小路, 沿狸小路回酒店休息.



    下午係場外市場見到咁大嘅桃都係賣¥360, 就即刻買黎做今晚嘅生果, 香甜軟熟又多汁.



Day 4 : 札幌 - 積丹半島 - 小樽


   唔夠6點就起左身, 於是去二條市場行吓, 睇吓有冇早餐食先, 途經札幌電視塔.



    札幌-二條市場, 太早嘅關係, 大部份店舖都未開, 冇早餐食添.







    唯有去MOS Burger食早餐啦.



    MOS Burger-限定發售嘅霧島黑豚漢寶(¥320), 都幾好食.


    積丹半島-神威岬, 由札幌開車要兩個幾鐘頭車程先到, 沿住海邊行車, 都幾舒服.


   積丹半島-神威岬, 好壯觀, 有D似澳洲大海洋路嘅12門徒石.



積丹半島-神威岬, 係神威岬呢度望出去海洋, 就証明到個地球係圓嘅道理.



   睇完神威岬, 諗著係附近食埋午飯, 沿途經過漁市場碼頭, 不過冇野食. 最後決定落小樽青塚食堂食野, 呢個就係自由行嘅好處.



   小樽-大約1小時車程就到青塚食堂啦.



    小樽-青塚食堂, 一落車就被炭燒魚嘅香味吸引住.



    小樽-青塚食堂, 店內嘅燒帆立貝同翡翠螺同樣咁吸引.



  小樽-青塚食堂-炭燒北海道にしん魚(¥840), 超過1呎長, 啖啖肉都有炭燒香味, 內埋仲有兩大片魚子, 好鬼正.



  小樽-青塚食堂-燒帆立貝(¥368), 大隻又肉厚, 鮮味無比.



    小樽-青塚食堂-燒翡翠螺(¥490), 連湯汁一齊食, 好味道.



  小樽-青塚食堂-無添加海膽丼 + 帆立貝麵豉湯(¥3,780)


小樽-青塚食堂-無添加海膽, 衹用海水保持新鮮, 勁鮮甜甘香, 海膽仲多過飯, 食得好滋味.


小樽運河-遊小樽必到景點.



    小樽-堺町本通, 人氣果子店, 六花亭同北菓樓.



小樽-堺町本通, 行左一陣, 下午茶時間又到啦.



小樽-堺町本通-北菓樓-TeaSet(¥500), 食晒佢最出名嘅野.



    小樽-堺町本通-LeTao, 點解冇人, 因為係第二朝一早影.



小樽-堺町本通-音樂盒堂



   
    小樽-堺町本通-蒸汽鐘, 每小時都會以蒸氣奏樂報時.


小樽-出拔小路, 夜晚宵夜嘅好地方, 依家重末開.


    小樽-展望台, 往天狗山途中經過, 可以見到小樽市同海岸.



小樽-壽司屋通, 沿路有好多壽司名店.







   小樽-出拔小路-石水天婦羅店



    好有屋台Feel嘅石水天婦羅店, 全部席前泡製, 好有稻菊Feel, 鹽都分3種, 好正宗. 叫左店長推介最貴嘅set 都係每位¥1,600, 有時令蔬菜3款同以下嘅3款海鮮, 食得好開心.



小樽出拔小路-石水-蝦天婦羅, 皮薄肉鮮.



   小樽出拔小路-石水-明太子帶子天婦羅, 好有特式, 咸香夾鮮甜.



    小樽出拔小路-石水-穴子天婦羅, 即係小鰻魚, 外脆內軟.




  
   







  小樽-問屋拉麵店-海鮮野菜拉麵(¥800), 好豐富嘅宵夜.



    是晚生果, 超甜車哩茄(¥100), 超甜同多汁, 真係可以當生果食.

Day 5 : 小樽 - 函館


    小樽- 小樽駅


    小樽-GreenHotel(¥7,400), 有埋停車場好方便. 附近就係三角市場同小樽駅.




    小樽運河觀光案內所-依家11度, 上次黎個限係度零下10度呢.



  小樽運河-早上睇到嘅運河特別寧靜.



    小樽-三角市場, 8點先至開.



  
    小樽-三角市場, 行過見到有活牡丹蝦有賣, 當然要買黎試吓, 諗住攞去食店開餐, 但個店長問我地係咪Sashimi, 我答係之後就在店內即刻set左2張椅叫我地坐係度食. 真得意.



    小樽-三角市場-活牡丹蝦刺身(¥2,000), 7大隻都好生猛, 每隻足有6吋長, 食落爽口彈牙, 勁鮮甜, 蝦頭D膏更加冇得頂.



   小樽-三角市場食堂




    小樽-三角市場食堂-雪場蟹汁(¥200), 即雪場蟹腳麵豉湯.



    小樽-三角市場食堂-八角魚刺身(¥1,300), 北海道獨有, 爽脆鮮甜好獨特.



   跟住就向函館出發, 道央自動車道(¥6,200)-車速上限80公哩, 但我已開到180公哩, 逢車過車, 好爽引. 途中停左2個道の駅, 呢個係第2個嘅有珠山道の駅.




   道央自動車道-有珠山道の駅, 對面就係昭和新山同有珠火山.



    道の駅-洞爺湖便檔(¥1,000), 有齊10款洞爺湖附近嘅特產, 每日限賣20份, 好味道.


    原定成5個鍾頭嘅車程, 全程326公哩, 依家3個幾鍾就到喇! 

    下一站, 函館



瀏覽人數 :

無料カウンター





















感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:日本
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 285539

全部攻略 332

全部回應 21