位於Element圓方W Hotel 內嘅星宴, 開左唔夠一個月, 主打高檔fusion粵菜. 得知佢地聖誕日推出每位$268嘅lunch, book 左位今日食吓中式聖誕午餐. 原來唔一定要食set, 所以就叫 a la crate, 價錢不便宜, 同福記差唔多, 但出品非常優質, 非常滿足同滿意嘅一餐.
一入酒店大堂就見到招牌, 門口高大顯眼.
裝修得幾高雅別緻, 每張檯都好有私隱. 魚池隔離有電視長期播放海洋魚類video, 相影成趣.
坐喺卡位嘅感覺就同新同樂差唔多.
煎臘味蘿蔔糕($39) - 外脆內軟唔熱氣, 蘿蔔味夠濃.
叉燒腸粉($42) - 買相好齊整, 新鮮半肥瘦叉燒好味道.
腐皮海鮮扎($39) - 蝦魚帶子材料都好新鮮, 尤其係帶子夠晒鮮同爽, 好似活開扇貝一樣口感.
五香豬仔腳($80) - 肉香嫩皮軟滑, 非常優質.
蟹粉小籠包($48) - 蟹粉比例雖然唔多, 但香味濃郁同突出, 高水準.
鮮蝦叉燒炒飯($155) - 炒得乾身冇油, 粒粒甘香, 材料豐富同好味道, 非常滿足同滿意嘅出品.
瀏覽人數 :
感謝 大力 提供以上資料
大力的網誌: http://www.daileghk.com/
