今日放假去美麗華新開嗰間國金軒飲茶, 位於酒店內以前三樓 function room 嘅地方改建而成, 所以入門口前要經過好多長長嘅走廊先到, 裝修雖然新穎, 但似食西餐多D, 仲係新派茶餐廳嗰隻, 沒有枱布餐墊, 連吸音隔聲嘅功能都做唔到, 所以十分嘈吵. 食物出品花巧但配搭不宜, 祗重賣相, 味道有D九唔搭八嘅感覺, 物非所值. 服務時有時冇, 有時連侍應生都冇個喺大堂, 唔明點解中環店可以入到米芝蓮, 真係有D耐人尋味. 頂多呢間都衹係一間收費超貴嘅普通酒樓而以.
沒有枱布餐墊, 枱中間木造嘅轉盆感覺好娘, 仲有花痕. 未食野侍應巳放下牙簽盒同打開介紹比我地, 試過自已關埋佢, 但之後侍應又埋黎打番開佢, 真奇突.
可以望到樓上嘅Whisk.
四色餐前小食, 免費奉送, 炸魚蛋同椒醬肉幾入味, 醃菜同四季豆就夠清爽, 有D驚喜.
冬菜星班片腸粉($38) - 粉皮軟熟, 星班片鮮嫩好味, 有D水準.
蜂巢荔蓉鳳尾蝦($36) - 即叫即製火喉好, 幾香酥. 可惜餡真係祗得蝦同荔蓉所以偏淡, 有D失望.
陳皮鮮竹牛肉球($36) - 非常一般, 牛肉球並非手琢所以口感欠奉, 仲冇牛肉鮮味, 好失望.
嚮螺蟹粉小籠包($48) - 蟹粉份量少, 螺片淡而冇味, 整體食落同普通小籠包冇嘜分別, 真失敗.
龍蝦湯蟹肉炆伊麵($120) - 徹底失敗嘅菜式, 龍蝦湯同蟹肉都係罐頭食材, 龍蝦湯淡口同份量少, 蟹肉仲係好差嗰隻雪藏貨, 冇味同鞋口.
瀏覽人數 :
感謝 大力 提供以上資料
大力的網誌: http://www.daileghk.com/
國金軒 (尖沙咀店)
Italian Tomato Café (馬鞍山店)
南坊
富臨皇宮 (黃大仙店)
小皇府 (MOKO新世紀廣場)
名館 Ming Bistro (希慎廣場)
G-fit
海逸皇宮大酒樓