終於等到葉一南的食堂開業了, 就係位於中環九如坊嘅大班樓, 開業未夠兩星期, 都係襯住冇嘜人知同未有飲食雜誌介紹試左先, 店內食譜菜式貴精不貴多, 並冇鮑參翅肚等名貴食材, 但簡單食材可以做出今非一般的美味, 保留食物嘅原味之餘仲可以提升到另一個層次, 就係憑佢對選擇優質材料同做法嘅堅持與執著, 相當難得. 好似佢本書話齋, "要省,不如不吃". 除左出品高質素同服務態度熨貼之外, 服務員對食物菜式嘅知識同做法都非常熟悉, 20-Sep-09真係一個令人難忘的晚餐.
09-Oct-09約左2個為食朋友再黎食過, 太多野想食所以選套餐, 可惜最少4人才做, 於是乎3個大食友叫左一個4人餐($1,520), 12道菜連粥,雪糕及甜品都一件不留, 全部掃清, 食得好痛快.
中環九如坊成條街都係食店.
地下有一張大枱兩張細枱, 其他細枱就係樓上. 上次坐樓上比較清靜, 今次坐樓下就嘈左D, 不過今次成晚都見到葉一南行黎行去好忙碌.
餐前小食炸魚仔, 脆卜卜.
子薑糖芯皮蛋 - 皮蛋同鏞記一樣糖芯軟滑(因為係同一貨源), 真正嘅主角係子薑, 祗選用每年6月份第2至3週最嫩同冇渣嘅子薑醃製, 爽脆微辣多汁, 從末食過咁高質素.
鹵水豬下巴拼蜂巢豆腐 - 選用新界譚強的健味豬, 豬下巴爽夾軟滑, 蜂巢豆腐豆味濃郁, 兩款都滲入了甘香嘅鹵水汁, 好滋味.
酥炸獅頭魚 - 新鮮海魚, 皮脆肉鮮嫩唔油膩, 連頭同骨都可以食埋.
上湯塘芹浸澳州藍青口 - 藍青口鮮甜嫩滑冇渣, 精華盡在湯內, 鮮甜好味.
龍井菊花燻乳鴿 - 用飯焦, 龍井, 菊花黎煙燻, 鴿皮香燻味濃, 鴿肉香嫩好味.
北菇眉豆花生雞腳湯 - 盅內衹有冬茹一隻, 但所有精華味道都盡在湯內.
雞油花雕蒸花蟹 - 汁底為主, 蟹肉為輔, 蟹可能煮過籠所以肉有D霉, 但雞油花雕味道調配得非常好.
蒸陳村粉 - 香濃酒味帶點雞油甘香同蟹肉嘅鮮甜汁底, 用黎撈剛熱辣辣蒸熟嘅陳村粉, 人間美味.
大班十八味雞 - 選用2斤12兩嘅新鮮新界農場三黃雞, 再用頤和園的御品頭抽加18款香料醃製, 雞肉嫩滑唔肥有雞味, 比一般豉油雞有更多層次的味道.
黑椒蒜片陳醋煎牛柳粒 - 選用澳州和牛, 甘香嫩滑又冇渣, 加左黑椒陳醋食落香口夾冇咁肥膩.
胡椒鹽焗海麻蝦 - 用青,白,黑新鮮胡椒粒放入一瓦煲, 內藏海麻蝦一起焗熟. 未開蓋已經香味撲出, 可以連殼都食埋.
素菇油炆冬菇羊肚菌腐皮 - 羊肚菌+松茸香味濃郁, 仲有D好爽口嘅野菌, 樹記嘅新鮮腐皮一層疊一層軟腍腍, 有好香濃嘅豆味.
梅菜乾蒸勝瓜 - 首次食梅菜乾, 清新又清香. 勝瓜去皮入口軟滑冇渣.
陳皮腐竹銀杏粥 - 用左大量樹記腐竹+青城山銀杏+新會陳皮+三種米黎煲, 香夾綿滑, 仲可以食到爆花銀杏, 高水準.
薑汁雪糕 - 自家製作好特別, 好似食緊分子料埋中的薑汁撞奶, 香滑又醒神.
生磨杏仁茶 - 用連皮北杏生磨即製, 香濃好味不太甜.
20-Sep-09 首次食嘅2人散叫晚餐.
子薑糖芯皮蛋($68) - 皮蛋同鏞記一樣糖芯軟滑(因為係同一貨源), 真正嘅主角係子薑, 祗選用每年6月份第2至3週最嫩同冇渣嘅子薑醃製, 爽脆微辣多汁, 從末食過咁高質素.
鹵水豬下巴拼蜂巢豆腐($68) - 選用新界譚強的健味豬, 豬下巴爽夾滑, 蜂巢豆腐豆味濃郁, 兩款都滲入了甘香嘅鹵水汁, 好滋味.
素菇油炆冬菇羊肚菌腐皮($100) - 羊肚菌+松茸香味濃郁, 仲有D好爽口嘅野菌, 樹記嘅新鮮腐皮一層疊一層軟腍腍, 有好香濃嘅豆味.
大班十八味雞($120) - 選用2斤12兩嘅新鮮新界農場三黃雞, 再用頤和園的御品頭抽加18款香料醃製, 雞肉嫩滑唔肥有雞味, 比一般豉油雞有更多層次的味道.
陳皮腐竹銀杏粥($15) - 用左大量樹記腐竹+青城山銀杏+新會陳皮+三種米黎煲, 香夾綿滑, 仲可以食到爆花銀杏, 高水準.
胡椒鹽焗海麻蝦($150) - 靈感來自灣仔Nino’s Cozinha 葡國餐廳, 用青,白,黑新鮮胡椒粒放入一瓦煲, 內藏新鮮海麻蝦, 燒熱焗熟. 未開蓋已經香味撲出, 可以連殼都食埋.
桂花杞子雪糕 - 自家製造, 軟滑雪糕裏帶有桂花同杞子嘅香味, 加埋北海道牛奶嘅香濃, 好有特式.
杞子龍眼茶 - 服務員推介, 香,清.甜, 可以中和胡椒蝦嘅辛辣, 飲左夜晚好好瞓.
杏仁茶 - 用連皮北杏生磨即製, 香濃好味不太甜.
瀏覽人數 :
感謝 大力 提供以上資料
大力的網誌: http://www.daileghk.com/
大班樓
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)