位於梭亞道嘅順德老記, 店子不太顯眼, 平時行過路口都唔覺佢存在, 見到飲食男女嘅廣告幾吸引, 今晚就一於行去試吓. 小小店子主要做街坊碟頭飯生意, 菜式選擇不多, 但材料新鮮揀手, 每款小菜都即叫即做, 係一間好用心經營嘅食店, 希望佢可以繼續保持落去.
白灼豬潤粉腸($42) - 未經醃製嘅新鮮材料, 白灼就能食到原味, 豬潤超沙, 粉腸夠粉, 冇得彈.
清蒸紅花蟹($65) - 揀手艇家海蟹, 細細隻都膏多肉充實, 肉夠鮮甜 + 膏夠軟滑甘香 = 超高質素.
蜆芥炸鯪魚球($56) - 夠香口, 魚肉新鮮彈牙, 帶點果皮香, 伴鹹香好味蜆芥醬, 超配合.
銅煲爆田雞($56) - 新鮮田雞即叫即劏, 肉鮮甜夾爽口, 惹味夠獲氣, 香口好味道, 餸飯餸酒都無敵.
瀏覽人數 :
感謝 大力 提供以上資料
大力的網誌: http://www.daileghk.com/
