0

福臨門 - 富豪飯堂

大力 於 2009-05-12 00:00:00 發表  |  累積瀏覽 385

分類:餐廳 ;地區:尖沙咀
12-May-09(晚飯)今日去福記嘅尖沙咀店開餐, 裝修後都同樣簡潔舒服, 出品及服務都同以前一樣高質素, 又是一餐滿分的晚餐.





裝修後魚缸靚咗好多, D魚睇落都特別醒神.




百花釀蟹拑-有半個拳頭咁大, 蝦膠鮮味彈牙, 入邊仲有原隻生拆蟹拑, 高水準.






燒雲腿大地田雞片-雲腿片咸咸香香, 外層甘甜香脆, 田雞片鮮嫩清香.




  
珍菌釀全鴿-做法工序繁複, 乳鴿內釀滿野菌, 包括有羊肚菌同牛肝菌...等等, 劏開鴿身後即滲出濃郁嘅菌香味, 鴿肉香淋嫩滑, 野菌滲有鴿香仲更加好味, 好精釆嘅一道菜.






堯柱荷葉飯-每次黎都必叫嘅招牌菜, 同樣出式.




25-Jul-08(晚飯)有富豪飯堂之稱嘅福臨門, 食物質素同廚藝一向好高, 巳往去福記都是去尖沙咀店, 得知尖沙咀店今日裝修後從開, 反而是到灣仔店一試嘅好時候. 今日一行3人去到灣仔店, 同尖沙咀店一樣都是沒有地下, 電梯直上二樓, 坐下來之後閒談一番, 然後點菜, 其間並沒有推介一些貴價菜式或海鮮, 服務態度不多一點也不少一點, 恰到好處, 令人感覺好舒服.




脆皮炸子雞 - 皮脆肉嫩, 點埋D檸檬鹽水一齊食, 香口又唔覺熱氣.





生炒骨 - 酸甜度恰到好處, 沒有多餘嘅醬汁流到碟上.





蜜汁叉燒 - 叉燒肥瘦適中, 加埋D蜜汁就夠曬甘香軟熟.





手琢咸魚蒸肉餅 - 聞到隔離枱(拉姑同胡鬚Kong)碟煎咸魚非常之香同惹味, 於是點了這味餸, 咸魚與半肥瘦豬肉經手琢後混為一體, 咸香惹味有口感, 餸飯一流. 碟內沒有多餘嘅水份或油份, 上枱時仲有專人片開一件件, 夾起黎食都好方便.





堯柱荷葉飯 - 選用新鮮荷葉, 即叫即制, 材料豐富, 炒飯乾爽又吸收了荷葉嘅清香味.



28-Apr-06 (晚飯)
當晚除了食左好味嘅炸子雞同荷葉飯之外, 最難忘的就是這味豉汁生拆本地龍蝦球 - 因為刀工細膩, 食到嘅龍蝦肉幼滑冇纖維, 鮮嫩帶有豉香, 令人一試難忘.




 奉送嘅飯後甜品 - 蜜糖馬仔 + 糯米糍



01-May-06(早茶)
合桃叉燒酥 - 香脆外皮同好多叉燒餡.





蛋黃雞飽仔 - 爆口而不露餡, 高水準同好味道.


上湯煎粉果 - 粉果香脆帶點軟糯煙韌, 塑埋D上湯一齊食仲正.



西菜牛肉球 - 手琢牛肉球, 不用點喼汁, 就食到牛肉嘅鮮味.


大豆牙菜炒豬粉腸 - 店員推介, 牙菜爽口, 粉腸香淋但惹味, 火喉掌握得好準確.



18-May-04(四年前嘅3人飯局)
脆皮炸子雞 - 香脆肉嫩可口.



勝瓜雲耳炒牛肉 - 清淡住家菜.



焗釀蟹蓋 - 釀左好多新鮮生拆蟹肉, 啖啖肉夠曬爽.



燒雲腿田雞片 - 燒雲腿咸香得黎帶點甘甜, 田雞片鮮嫩好味.



堯柱荷葉飯 - 材料豐富, 荷葉香味滲曬入D炒飯內.



飯後甜品 - 芝麻卷  + 合桃酥



瀏覽人數 :
無料カウンター
























感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:尖沙咀
  • 攻略時間:1-3小時
    是次消費:N/A
0人比"掂"

最多能輸入300字

高級探險員

累積瀏覽 292543

全部攻略 332

全部回應 21