位於宮塘27年嘅彪哥一向口碑幾好, 祗係主打野味同蛇(前身叫蛇王彪), 所以唔係咁合我地口味. 咁耐都未試過. 今日亞Mon喺牛頭角針炙, 所以順道去睇睇, 原來巳由野味轉為海鮮小炒, 仲專注研鑽菜式, 好多都好有創意同攞埋獎, 今日一試, 發覺食材同出品都好有質素, 高水準, 價錢唔貴冇收加一, 我地一星期內已食左三次, 仲好快會有第四,第五,....第N次添.
門口擺放好多新鮮海產, 一目了然.
連小食嘅腍花生都好有水準.
鹿筋薑醋凍($22) - 有創意嘅得獎菜, 好有份子美食 Feel, 膠質豐富爽口, 其實係甜品, 不過原來當作開胃頭盤都好正, 相當精釆.
大白菜燉豬肺($45) - 足4碗夠份量, 豬肺腍滑, 湯就清潤好飲.
彩蛋百花卷($52) - 威化紙包著蝦膠皮蛋同酸薑, 味道好有層次.
家鄉煎藕餅($48) - 蓮藕馬蹄豬肉餡, 香脆惹味唔油膩, 高水準之作.
砵酒焗鮮魷($68) - 一打開錫紙袋就已經香氣撲鼻, 砵酒味香濃, 令到鮮魷同洋蔥更加滋味, 係食過砵酒焗菜系列中最好食嘅一道菜.
砵酒焗桶蠔($92) - 同樣酒味香濃, 蠔身夠大隻又鮮嫩, 好滋味.
中國芝士焗枇杷蝦($98) - 比上湯焗嘅濃味D, 最重要就係枇杷蝦夠新鮮, 肉爽鮮甜.
日式青芥牛柳($68) - 賣相平平, 原來牛柳肉嫩香腍冇渣, 青芥茉汁惹味攻鼻, 但又冇蓋過牛肉味, 配搭得相當好, 高質素.
枇杷豆腐($48) - 魚蓉豆腐軟腍腍唔熱氣.
藥膳浸莧菜($58) - 湯底冇濃烈嘅藥材味, 比一般上湯浸又多點特別味道, 與別不同.
椒絲腐乳炒通菜($38) - 腐乳醬唔太鹹, 幾惹味.
八式炒雜菜($38) - 清甜爽脆鮮嫩樣樣齊.
楊州炒飯($58) - 生拆海中蝦勁好味, 飯炒得乾爽唔油膩, 超正.
![]()
魚蓉粥($18) - 用魚肉同堯柱一齊煲, 粥底夠綿, 絕對係鮮甜味美.
掛鹿米線($20) - 全港首創, 因每著米線都沾有鹿肉碎而定名, 肉味濃郁, 連湯都喝個清光.
生磨杏汁($22) - 用上50粒南杏+1粒北杏+蛋白+糖煮成, 熱辣辣香而不太甜, 令人回味.
瀏覽人數 :
感謝 大力 提供以上資料
大力的網誌: http://www.daileghk.com/
