每個星期日多數都會同呀Mon去飲茶, 收到料以前尖咀海洋皇宮舊址開左3間食店, 一中一西一日. 所以就去八月居試吓,同又一城嘅八月花同屬美心集團, 走嘅係高檔路綫,茶葉都分好多級同多種價錢, 我地一人一款龍井($28)同碧螺春($18), 茶香同陸羽有得揮. 有個熱座飲綠茶,温度就啱啱好啦. 整體黎講, 食物OK, 環境唔錯, 下次飲茶又多一個選擇啦 !
我地一人一款龍井($28)同碧螺春($18).
檸香叉燒酥($28)-皮薄檸汁香, 好多叉燒係入邊, 正 !
娥姐蒸粉果($24)-其實並非粉果, 係上素水晶果至真, 中規中矩.
豬潤腸粉($30)-上碟幾特別, 皮薄而滑餡多, 可惜豬潤蒸得老左D.
灌湯餃($28)-懷舊做法, 材料豐富.
脆脆BB豬($45)-BB豬斬件上, 皮脆冇肥膏,肉連骨都好入味, 跟埋D沙律菜好醒胃.
百花釀魚肚($28)-蝦膠似Mousse多D, 冇左彈牙嘅口感, 尚算OK.
瀏覽人數 :
感謝 大力 提供以上資料
大力的網誌: http://www.daileghk.com/
