今日突然想食日本lunch, 剛好飲食男女介推銀座, 原來舊店因新世界重建而結業. 總廚大倉正孝喺尖咀重開名為銀座大倉, 有齊壽司及鐵板燒, 食物同舊店差唔多, 價錢也算實惠, 原本想食壽司刺身, 但見到鐵板燒午餐好吸引, 有厚燒美國西冷, 大花蝦同帶子每位都係$190, 所以即刻轉呔, 安排入坐鐵板燒房, 師傅經驗豐富, 做法傳統不花巧, 連蒜片都係即製生烤, 別處已少做, 今次兩個人仲包埋房食非常爽引, 極度大滿足.
裝修簡潔舒服, 仲有街景睇.
鐵板燒房裝修得都好有style.
![]()
兩款醬汁(海鮮醬+芝麻醬), 個人覺得都係匙羹內嘅海鹽食鐵板燒先最夾.
三文魚沙律 - 開胃前菜, 柚子沙律醋汁清香醒神.
鐵板燒帶子 - 夠大隻, 鮮甜好味.
鐵板燒大花蝦 - 剎那間已經去殼起腸, 師傅手法清脆俐落, 工力深厚.
鐵板燒大花蝦 - 先食蝦身, 爽脆彈牙味美.
鐵板燒大花蝦頭 - 蝦頭比蝦身更加無敵, 蝦膏超甘香豐腴, 滋味無窮.
鐵板厚燒美國西冷 - 入口甘香多汁肉味濃, 五成熟火喉剛好, 配埋香脆嘅即烤蒜片, 超級嘅好味.
一件西冷衹有一半(8件)係精品, 剩下嘅約一半肉根可以乾烤熟就咁食, 我地就用黎炒飯啦.
鐵板牛肉根粒炒飯 - 配料仲有甘筍,冬粒,櫻花蝦,雞蛋同蔥花, 炒到粒粒甘香, 口感豐富.
麵豉湯 - 昆布清甜, 冇加味精夠清香.
鐵板炒雜菜 - 清爽唔油膩.
紅豆雪糕 - 食到大大粒起沙嘅紅豆.
芝麻雪糕 - 麻香唔太甜, 作為完美嘅飯後終結
瀏覽人數 :
感謝 大力 提供以上資料
大力的網誌: http://www.daileghk.com/
