其實寫完見城就好想寫埋孝勢, 因為食壽司食到印象最深刻嘅反而係佢, 而見城係佢師傅, 之後見城拍埋電視廣告後先知其食店喺尖沙咀. 自1998年起已食孝勢師傅嘅壽司魚生飯, 當時佢喺銅鑼灣屋台村內3家唔同嘅食店其中一家, 主打壽司剌身, 其他兩家就做拉麵同串燒, 有次坐壽司吧頭食Omakase, 因為睇完日本漫畫"將太的壽司"而同佢徒弟交談中, 原來孝勢師傅都可以照書上特別做法即場做比我地食, 記得其中一款係炙燒Toro壽司, 甘香肥美, 第一次喺度食到, 所以印象特別深刻. 自日本電視劇在港出街後, 大部份壽司店都照做了. 後來屋台村結業, 孝勢過檔見城幫其師傅手, 04年就另起爐灶, 喺黃埔打正名堂叫孝勢壽司. 初期幫襯食過壽司剌身Omakase dinner, 質素同水準都超高, 而價錢合理, 之後就不時幫襯, 由以 lunch 超抵食, 其後街外開左好多壽司剌身店, 而自感覺佢服務同出品好似冇以前咁好之後, 就黎少左. 今日假期再黎食 lunch, 算係滿意同滿足嘅一餐.
孝勢師傅外形好 cute, 初初見佢時仲成日攪笑添.
椿定食($140) - 其實係雙層刺身壽司飯.
上層係5款剌身+辛明太子漬, 有小肌魚, 油甘,吞那魚, 油甘魚腩+甜蝦, 超新鮮.
下層係雜錦壽司飯, 材料豐富, 有吞那魚,三文,油甘,木魚,章紅,魷魚,三文魚子等等, 刺身多過飯, 好滿足.
松花堂定食($140) 有齊刺身,壽司,天婦羅,燒物,煮物,蒸物同吸物.
刺身有3款, 甜蝦,魚同油甘魚, 甘甜鮮味樣樣齊.
壽司5款,有沙甸,魷魚,吞那,章紅同三文魚. 3手壽司握拿準成, 壽司飯入口即散, 功力深厚.
天婦羅有茄子,南瓜,大蝦同沙魚, 新鮮香脆.
燒物 - 燒銀雪魚, 甘香油份足.
煮物 - 南瓜,磨菇,芋丸,蘿蔔同甘筍, 香腍入味.
蒸蛋 - 材料豐富又香滑.
綠茶雪糕 - 茶味濃郁.
其他午市定食 :
自選壽司定食($190) - 可揀12款新鮮材料, 好有滿足感.
北乃花丼($120) 一碗有齊海膽+牡丹蝦+三文魚子+三文魚+魷魚, 正到冇得彈.
海鰻魚飯($100) - 海鰻煮到軟熟甘香入味, 入口即融.
醬油吞那魚飯($90) - 鮮甜好味.
吞那魚腩飯($100) - 手剁toro, 每口飯都甘香肥美.
睌市菜式 :
安康魚肝.
豪華版刺身拼盤 - 鮑魚,海膽,嚮螺,大Toro,象拔蚌,魚,油甘,木魚,牡丹蝦,中Toro.
燒KinKin魚
雜錦天婦羅
自選壽司 - 鮑魚,沙甸,油甘魚,赤貝,比目魚邊,魚子昆布,海膽軍艦壽司.
蛤蜊壽司
豪華版壽司拼盤 - 海膽, 三文魚子, 大Toro, 牡丹蝦, 油甘魚腩, 象拔蚌.
梅子醬紫蘇葉卷
孝勢紫菜卷
凍橋麥麵
23-May-2004 刺身壽司Omakase (每位 $525) :嚮螺,魚,比目魚邊, 中Toro刺身.
木魚,甜蝦,大Toro刺身.
燒銀雪魚
蟹腳,大Toro,海膽,三文魚子壽司
牡丹蝦壽司
鮑魚壽司
燒鰻魚壽司
茶壺海鮮湯
茉茶士多啤梨.
瀏覽人數 :
感謝 大力 提供以上資料
大力的網誌: http://www.daileghk.com/