自從5天工作後星期六就變左係揾食日, 今日去位於尖東帝國中心嘅 Only Buonasera食意大利 lunch, 主打意大利南部海鮮菜式, 選用新鮮材料, 出品一絲不苟. 3個 course 收 $128絕對係超值.
戶外環境喺秋天就應該幾舒服, 今日得10度天氣就咪攪喇.
海藍色嘅裝修, 同海鮮主題好配合.
橄欖油陳醋同Grissini係意大利菜最基本嘅配搭.
餐前小食 - 番茄多士與炸亞枝竹, 特色又好味道.
沙律 - 有火箭菜,車厘茄,磨菇,雞蛋,巴馬神芝士, 清新口味.
意大利菜湯 - 材料多, 份量足, 口感豐富.
番茄大蜆意粉 - 加左海鮮湯一同煮, 意粉鮮香爽口 Al Dente, 大量海蜆鮮甜多汁優質貨, 正!
海鮮煮意大利飯 - 同樣加埋海鮮湯底與多款海鮮一齊煮, 海蝦鮮魷蜆同藍青口都超新鮮, 煮法更特出其原汁原味, 每粒飯都鮮甜味美, 人間極品.
Chocolate Mousse - 香軟滑溜, 朱古力味濃郁豐厚唔太甜, 高水準.
Capucinno - 泡沬豐厚好飲, 作為餐後嘅一個完美句號.
瀏覽人數 :
感謝 大力 提供以上資料
大力的網誌: http://www.daileghk.com/
