位於尖咀州際嘅Nobu被外國評為世界最佳餐廳之一, 但香港網民對佢嘅食評就唔係咁好, 所以今日都係抱著一試嘅心態. 原來佢地嘅服務體貼之餘又恰到好處, 令人覺得好舒服. 醬汁嘅配搭同煮法更加突出同提升食物本身嘅味道, 賣相精緻令人見到都好開心.我地叫左兩款唔同價錢嘅Omakase, 分別係$888與$1,188, 同樣有七道菜, 一次過試左佢地14款嘅 signature dishes. 雖然價錢略貴, 但物有所值, 令人回味同驚喜嘅非一般日本菜.
Nobu喺州際酒店二樓, 前身係Yu(友漁坊), 同樣令人一試難忘.
先揀餐酒, 食日本菜最好就飲日本酒, 店員推介左3款冷飲Sake, 我地揀左Chou Onpa Jyukusei($310), 係一款超聲波釀做嘅Sake, 有齊新酒同舊酒嘅優點, 即係醇得黎又有小小果米香味, 好飲易入喉.
魚子三文魚Tartar, 清新鮮味, 最後食埋新鮮嘅日本梨好refreshing.
魚子Toro Tartar, 比三文魚更有魚味同油甘, 好有層次感, 回味無窮.
Hamachi刺身伴柚子汁, 賣相好似清蒸魚片, 油甘魚蘸上柚子汁份外清香, 加埋芫荽取代wasabi又係另一種味道, 配搭特別.
三款Sashimi小食配三款唔同嘅醬汁.
帶子刺身伴淡梅汁, 上面嘅海鹽同下面嘅淡梅汁更能突出帶子嘅鮮甜味.
Chutoro伴黃椒汁, 中吞那魚腩略作炙燒食落甘香, 伴黃椒汁可去油膩感.
海膽甜蝦伴芝麻欖油豉油汁, 咸中帶點甘甜, 加埋又爽又軟腍腍嘅口感, 好複雜.
麵豉蓉炙燒海+中吞那魚腩伴白露筍迷你番茄, 兩款sashimi都好軟熟新鮮, 香蔥麵豉蓉伴食又夠特別同幾balance.
魚子龍蝦露笥卷天婦羅伴芝麻汁, 齋聽個名都知好好食, 好豐富嘅口感同味道, 連伴菜都非常優質, 吃過食光.
燒智利海鱸魚伴露筍雜菌, 魚肉一梳梳鮮嫩無比, 醬料香濃惹味, 送酒一流.
燒雪場蟹腳伴露筍天婦羅陳醋汁, 雪場蟹腳香口鮮甜啖啖肉, 墊底嘅露筍爽脆多汁, 同樣好滋味.
燒美國PrimeGrade牛柳伴香辣汁, 牛肉腍嫩有肉汁, 微辣醬汁夠醒胃.
燒澳洲和牛伴黑松露菌汁, 和牛入口融化, 甘香冇渣, 肉嫩多汁, 反而個黑松露菌汁唔係咁突出.
海鮮辣烏冬, 海鮮材料豐富同優質, 高水準.
壽司五款 - 海膽飽滿, 顆粒細緻黏稠甘鮮, 齒甲留香. 鰻魚軟綿香嫩, 油甘爽滑甘香, 魚鮮甜, Toro油脂豐富味美, 融化於口中, 全部都係好超級嘅質素.
蝦清湯 - 湯底清, 蝦肉勁有蝦味同好鮮甜.
![]()
兩款甜品都好有東南亞風味, 清酒雪芭甜品新清特別, 椰子雪芭配咖啡碎crumble, 香甜而不膩, 口感豐富, 作為一個完美的終結, 係極之得別嘅配搭.
瀏覽人數 :
感謝 大力 提供以上資料
大力的網誌: http://www.daileghk.com/
NOBU InterContinental Hong Kong
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)