在港開設嘅日式連所店都好多, 先有和民, 後有魚一丁, 之後嗰D太多同水準不一所以都冇嘜幫襯. 最近知道大户屋喺尖咀開分店, 喺日本旅行都見過但從未食過, 襯住仲係冇嘜人知, 所以就食左先講. 出品唔錯, 而且仲有納豆食. 可惜眼闊肚窄未食甜品巳經飽飽.
今日新開將, 大部份係日本人幫襯. 所以應該幾正宗.
納豆($10)-加D芥辣同醬油攪到起絲就食得, 味道獨特, 餸飯一流.
薯仔沙律($20)-清新開胃.
鴨肉大蒽凍蕎麥麵($77)-食法好特別, 原來係熱食, 先將蕎麥麵浸在熱湯內進食, 到最後加埋D蕎麥麵水落D鴨湯內一同飲用. 仲有奉送嘅蒸蛋都好多材料同好味道.
名古屋鹽燒雞大和芋飯($134)-雞肉燒得好香, 紫菜大和芋飯就滑潺潺好好味.
加州卷($50)-大大件好豐富, 魚子鹹香鮮味.
瀏覽人數 :
感謝 大力 提供以上資料
大力的網誌: http://www.daileghk.com/
