大角咀除左好多火窩同豬骨煲店外, 尚有好多特式食肆(包括神廚館,車品品,串燒,泰國...等). 呢間喇沙南洋美食, 上次食完車品品後路過已經見到門口大排長龍, 今次試過後感覺佢嘅出品同用料都好有質素, 食過嘅每道菜式都幾滿意, 而且價錢合理, 喇沙仲係自星馬軒後食過最好嘅一間.
青檸意米水($15)
羅扎($38) - 馬拉雜菜沙律伴甜沙爹醬, 有蕃茄,青瓜,菠蘿,沙葛同油炸鬼, 甜酸鹹辣樣樣齊, 地道夾醒神.
印度咖哩角($25) - 新鮮即造, 皮脆餡料飽滿, 有水準.
星加坡咖哩海鮮喇沙($38) - 湯底香濃鮮辣, 惹味開胃, 海鮮有中蝦,魷魚,魚蛋同魚片, 高質素.
參巴炒中蝦($78) - 參巴似馬拉盞混酸辣醬炒成, 所以好香同夠惹味, 新鮮中蝦有七大隻, 真正越食越滋味.
油酥餅($15) - 新鮮熱辣, 香鬆味美, 點埋參巴汁仲超正.
瀏覽人數 :
感謝 大力 提供以上資料
大力的網誌: http://www.daileghk.com/
