西貢食海鮮不一定要係海傍附近嘅海鮮飯店, 原來係蘇珊娜食海鮮都有很好的水準. 以往到蘇珊娜都係食佢出色嘅鐵板冇醃制牛扒, 老火足料嘅羅宋湯同香脆多士. 近排先至係道食海鮮, 發覺非常好食. 海鮮食材都係附近海鮮檔即叫即送, 可能價錢每次唔同, 但一定新鮮, 試過佢地煮嘅蝦,蟹,蜆,聖子同鮮魷都非常新鮮好味道. 講句真, 兩個人係海傍嘅海鮮飯店食真係唔食得好多款, 而且價錢並不便宜, 又不想叫2人海鮮餐, 皆因套餐嘅海鮮菜式並不吸引同選擇又少. 所以人少少想係西貢食海鮮, 蘇珊娜是個不錯的選擇呢. 記著新店嘅環境比舊店好.
酥炸海鮮($58)-有鮮魷, 魚柳, 蝦仔, 帶子, 外皮薄而鬆化, D醬汁仲好好味.
豉汁炒沙白蜆-白蜆冇沙, 鮮香惹味.
豉椒炒大蜆($88)-大蜆比湯匙還要大,鮮甜嫩滑, 連D帶子肉粒都好味美.
蒜蓉辣椒大蝦($180)-有膏嘅大蝦新鮮爽口彈牙, 嗰汁香辣惹味, 餸飯一流.
咖哩炒蟹($192)-咖喱香而不辣, 還帶出蟹肉嘅鮮甜味.
咖喱蝦仔飯($68)-咖喱香而不辣, 蝦仔新鮮冇雪味, 連D炒飯都粒粒乾身好味.
咸魚雞粒炒飯($42)-炒得乾身又惹味.
炒什菜-多款蔬菜, 炒得好爽口.
瀏覽人數 :
感謝 大力 提供以上資料
大力的網誌: http://www.daileghk.com/
