本港韓國菜館真的不少, 而近年坊間仲越開越多, 呢間位於尖咀嘅阿里朗開業已久, 一直都未試過, 因為地點同門面極不顯眼, 有日 Lunch 行過入去一試, 發覺出品好正宗, 選用材料非常優質, 做出地道嘅韓國風味, 所以好多韓國人幫襯, 我地一連食左幾次都好滿意, 呢度勁難Book位, 想幫襯就真係要講吓緣份, 依加HSBC Card 仲有九折, 超抵架.
![]()
裝修簡潔乾淨, 環境光猛舒適.
![]()
泡菜款式不多, 有韓國人同香港人之分, 我地就比一般泡菜, 味道OK啦.
![]()
韓國生菜($50) - 生菜同芝麻葉都新鮮優質, 包住烤肉食就係地道韓國食法, 仲無咁熱氣添.
![]()
鮮牛肋骨肉($240) - 牛肋骨肉充滿雪花紋, 肉質鮮嫩, 略烤後入口牛味濃郁, 勁正.
![]()
韓國松茸($158) - 秋季限定嘅韓國松茸, 微微烤燙已經菌味濃郁, 香氣樸鼻, 口感爽脆, 高質素.
![]()
辣海鮮窩($350) - 材料豐富, 大量蔬菜同海鮮, 有魚柳大蝦青口鮮魷, 仲特別選用原隻本地紅花蟹, 味鮮肉甜, 越食越滋味.
![]()
海鮮煎蔥餅($70) - 其實看不見海鮮, 但入口香脆好味.
![]()
石頭人蔘營養飯($130) - 素食者至愛, 用鮮人蔘銀杏栗子青豆紅棗原窩飯焗熟, 清淡得黎又營養豐富, 飯粒香軟入味, 配以香辣惹味醬汁更覺滋味, 飯焦仲可加湯或熱茶同吃, 人間美味也.
![]()
雜錦石頭飯($80) - 午市首選, 材料豐富, 熱辣夾好味.
![]()
牛肉豆腐辣湯 - 香辣惹味, 跟午市套餐奉送嘅都非常優質.
![]()
大口魚湯($120) - 口魚即鱈魚也, 個窩用上勁多鱈魚腩, 肉厚鹹香鮮味, 加辣送飯食仲天下無敵.
![]()
飯後甜品用雪米糍, 韓國菜館黎講就幾算特別.
瀏覽人數 :
感謝 大力 提供以上資料
大力的網誌: http://www.daileghk.com/
