攻略日期：2013-11-19
是次消費：每人平均約HK$ 200.00
復活節第二日,就出發去廣州..今次去三日兩夜..
第一日,我地一家三口先出發.. 第二日再同其他親友會合
book左上午10點幾搭直通火車,兩個鐘到達,又快又方便,過關又少人..讚!!!
帶小朋友真係大力推介直通車!
到左廣州東站,就轉地鐵,幾個站就到親戚幫我地訂好既酒店..
地鐵一上就係一酒店喇,出面落雨都唔怕
今次親戚幫我地訂既係七天連鎖酒店,只係百幾元,好平好平,
入面好簡單,但總算幾乾淨既,瞓一晚,OK啦..
到左酒店,放底行李就出去搵野食,出面落緊雨,
雖然有帶雨具,但雨都幾大,唯有買多把遮
親戚推介我地去唔記得乜乜街食午飯,我地行左一半,實在太大雨,悠悠著住雨褸都濕晒,
唯有求其去左一間食腸粉既舖頭食,都幾難食,我地衫,袋,乜都濕晒,所以唔影相了
食完馬上回酒店,我就馬上拉肚子了... =_=
老公出發前有點感冒..外面又大雨..大家留係酒店午睡..
到六點幾,親戚教我地搭地鐵,去一啲地鐵連住既商場,咁就唔怕啦...
於是我地去左一個叫江南既商場..個商場好大下...行極都未到盡頭,
好多小精品店,好好睇,好過香港啲商場,全部都係連鎖式店鋪呢...
早知下午就尼依到食野行街啦..其實大家仲可以搭地鐵去其他地下街呢
行完個商場,出去街,見到細雨左,就出去行下..去左另一間百貨公司,
見到有一間食素既,仲要等位,感覺幾好..去試下啦...
叫左一壺菊花茶..飲完成個人好舒服,之前肚子不適都好咗了...
叫左幾碟小菜..樣樣都好好食...最推介個南瓜湯,清甜都不行呀...
食飽飯,就打道回酒店休息去了...
紅磡火車站乘搭直通車
