六合彩自從上年加價後,一直都未曾收過錢,估唔到今年年頭買嘅十期電腦票,竟然有錢收,重係一收就$680大元添,不過今次就好奇怪,因為頭個九期我都有對中獎號碼,已知其中二期中咗三個字安慰獎,即係實收$80大元,只係最後個期冇睇,就咁隊張飛埋去收錢啫。
無端端多出$600元,但係點計都計唔掂數,張飛只得二注,一就係最後個期中四個字收$640元,但係咁,佢又變咗畀小咗錢我,一就係我睇錯咗早前中彩嘅號碼,但係我而家又未至於老眼昏花吖,而另一個可能,就係電腦出錯,但呢個可能又微乎其微。
當時曾問過櫃員我中了多少注,但櫃員說要主管開機才能取出該票核對,而我又趕住去銀行入票,所以作罷。但無論如何,有錢收都係開心嘅,而且重係係我生日個日收到添。
============================================
感謝 甘蔗 提供以上資料
甘蔗的網誌: http://kentseky.blogspot.hk/
============================================