一星期過去，取鏡後出街試用，遠近景雖云看見，但就只是使用的那一焦段清晰，其它焦段濛濛瀧瀧，頗不習慣，對於習慣拍攝的我，基本上看出去便沒有一處是所謂「利」的，這有點像用慣定焦鏡的人突然轉用變焦鏡後的感覺。感覺不好，有點受了騙的感覺，於是另行加配一老花鏡，今次就說明只配淨老花鏡，還要廉宜的那款。
隔日取鏡，試戴時一片迷濛，連忙向那女職員大嚷，以下為當時的談話內容：
筆者：「喂，靚女，唔掂喎！」
職員：「先生，請問有乜問題？」
筆者：「尐度數唔準囉！（只見座於我隔鄰的那位女士即時望過來）」
職員：「吓，唔係呱！」
筆者：「咩唔係呀，睇出去濛查查，你地有冇搞錯咗！」
職員：「吓，等我check check！」
（只見她左摷右摷，不停咁對資料，跟住攞副鏡去驗，搞咗一輪，跟住行返埋來）
職員：「先生，尐資料啱喎，度數同你上次個副一樣，你睇唔睇到呢尐字呀！（隨即攞張報紙出來俾我睇）」
筆者：「咦，點解咁清嘅？」
（斃，唔記得呢副係淨老花，頭先戴住佢來望遠嘢．．．![]()
）
筆者：「唔好意思，可能係我搞錯，忘記咗我戴緊呢副係淨老花！」
職員：「唔緊要！」
此事發生於二年前，在這二年內，原有的一副如常使用，最後買的淨老花放於公司，它的功用只是看報紙而已，漸進的一副隨身攜帶，主要是在使用電腦時才配戴，現在每天求神拜佛，度數不要增加，否則下次買鏡隨時都買到窮。
============================================
感謝 甘蔗 提供以上資料
甘蔗的網誌: http://kentseky.blogspot.hk/
============================================
