0

眼看未為真 - 股票機

甘蔗 於 2009-06-19 00:00:00 發表  |  累積瀏覽 424

分類:

  我用開股票機,佢有時真係會畀到啲驚喜你,就好似今早咁,『建行』無喇喇就由昨天收市價5個幾,升到開市前買入價接近190大元(見附圖),真係睇見都覺開心。

  不過啲嘢試過幾次,就真係見怪不怪囉,記得第一次遇到以上情形,果時個心真係「噗噗」聲咁猛跳,但果次唔算經典,因為果次手持隻股票數量雞碎咁多,而個股價又唔係升得咁勁,只係幾倍度,之不過都令我開心咗成...個鐘頭。

  事隔幾年,另一次就犀利囉,果次手持重貨,個股價就由幾亳子變成幾蚊,果次第一個念頭就係想同老細講拜拜,提早退休,好彩我放貨時先知道係乜嘢一回事,更好彩係,果日老細冇返工,如果唔係,就真係畀佢害死囉。

  唔知係唔係人年紀大咗,心態已經有啲唔同,喺今次金融風暴前又發生咗同類事件,今次就清醒好多,喺未經証實之前,個心已經諗到,就算今次係真,以後都要做嘢,成日放假旅行都好悶啫,所以心情就冇乜特別,之不過最後証實都係流,個心當時真係有啲唔舒服。

  曾經同朋友提起,佢反問我點解唔轉過個服務商,我就同佢講,我唔係唔想轉,而係另一服務商機係要叉電,而且重要隔日叉,我份人就最怕麻煩,部手機一個星期叉一次我都嫌煩,更何況係隔日。而且佢又會失驚無神咁畀啲驚喜你,淨係樣,已經唔捨得轉咯!


============================================

感謝 甘蔗 提供以上資料

甘蔗的網誌: http://kentseky.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 520547

全部攻略 1012

全部回應 42