上期曾論述「球體的伸縮」，由於篇幅所限，今期續談。
話說鐘師在堂中論述，並作出有關的示範，講述完畢，各人便各自找位練習，此時站於身側的師弟卻叫我出手，好等他能體會箇中滋味，既是一場師兄弟，唯有照辦。
當此一師弟作好準備後，便叫我出手打他（既然佢身痕，咁我就唔客氣啦！![]()
），只見我拳影一閃，當碰觸到他的心窩位置時，立時散力回收，怎料師弟竟怪我這麼快便回收拳頭，使他用不上此招的威力（喂，大佬，人哋打你係唔會畀機會你喎！），還叫我再來一拳，正是此一拳，又惹得鐘師前來，跟著就成班人好似睇show咁圍成一圈，心諗今次又畀呢條友仔害到，正所謂無名火起，一拳一打即收，連畀佢摸吓隻手仔都唔得呀。
師弟既然顯不出此招要旨，當然就由師父出馬（佢行埋來時我都估到會有咁後果啦！），對著鐘師，又深明此招用法，當然唔會蠢到放儘出手（起碼都要有後力自保先至得），一拳打出，鐘師竟嫌我太慢，要我再出手快些（哎，咁都畀佢睇到，今勻想唔領野都唔得![]()
），一咬牙，將眼鏡交給身傍師兄，人即標前出手，此時眼內再無餘物，純憑感應出招而已，剎那間拳頭已觸上鐘師外衣之上，跟著便感虛虛蕩蕩，頓悟甚麼叫有力難施了。
回歸現實，方發現此時自己成「弓馬步」姿勢（講真，自己自小便決不學武，點解會識「弓馬步」，到而家我都唔明！），而整條前臂已儘入鐘師手裡，只見鐘師微一頷首，收招而起，跟著再講解此招變化，但無論你如何觀摩，若不是親身體會，根本便不知內中因由，此便是「內家拳」與「外家拳」的分野了。
============================================
感謝 甘蔗 提供以上資料
甘蔗的網誌: http://kentseky.blogspot.hk/
============================================
