0

「知味喱民試食兵團」第一次活動 @ 青衣

煮‧食‧樂 於 2012-11-23 00:00:00 發表  |  累積瀏覽 654

分類:餐廳 ;地區:青衣
星期二晚收到兵團聯絡人來電, 星期四開始有第一次活動了      早上11時半各人都在青衣MTR恆生門外等候, 並且應大會要求要以「行政人員」dress code 及 自備筷子     

青衣究竟有乜好介紹???  兼且要運用筷子去食???        當眾團共19人到齊後便浩浩蕩蕩地走到門外巴士站乘車去



在車上, camera man繼續拍攝, 導演要各人估計一下將要到那家食店, 我們要逐一對住鏡頭講說話      (心卜卜跳~)

下車點


下車後, 我們要跟著箭咀走......


一路走...


轉入村...


又越過高山,  又越過谷...


 
‧ 
‧ 
 ‧ 
 終於到達目的地



咦     難道是以辣椒醬聞名的華記車仔麵     



DJ Leo 喺度賣車仔麵 ??     據講咖喱魷魚都是由他煮的 



大家排住隊等Leo 服務  






我嘅「撈麵」


Leo 嘅剪功唔夠響, 無鐵較剪的「啲啲咯咯聲」


時值午餐時間, 華記人頭湧湧, 學生都是捧場客  



撈粗生麵 ... 粗生麵爽囗彈牙, 撈麵豉油是「車仔麵王子」特調;咖喱魷魚沒有梘水味, 還有魷魚的嚼勁存在, 咖喱質地滑並帶有奶香;蠔皇冬菇厚肉, 炆煮得入味, 菇身滑溜;毛肚(黑柏葉)軟腍, 稍稍一煮沒有縮起變韌;牛肺帶口感, 是因為還有脆脆喉管連住, 濃滷水味道蓋掩了牛燥味。


撈油麵 ... 油麵唔粉唔油膩;黃金蘿蔔因為有用咖喱粉及十多種馬來香料煮過 , 所以顏色金黃, 味道清甜並帶隱約香料味, 選用價錢貴3倍的韓國蘿蔔, 貪一年四季都咁甜, 不過曾吃到一件有幼渣, 另外一件帶苦澀;黃沙牛膀潤味濃郁, 炆得腍滑, 滿口鬆軟。


聞名辣椒醬...我只落了少丁丁, 開始時鹹鹹香香惹味, 辣度是可接受, 可是後來辣度上升, 越來越辣, 直情感覺到我的豬唇脹脹 , 發慶      辣到無晒味覺, 幸好工作人員話歡迎encore再排過。



「車仔麵王子」精心製作的心太軟 , 實為酥炸鯪魚球, 純肉製作, 入囗外脆內軟, 加入大量香蔥僻腥, 配以海水般鹹鮮的蜆介, 鮮味提升。


層次雞翼的口感是酥而不油, 炸到全熟亦會肉嫩有汁, 味道普通, 似應該是食手勢 


Leo 與其他在場食客寒暄

食午餐的人潮漸退, 是時候再encore     豬紅煮到入晒味, 爽口兼咬落帶韌, 唔會一夾即散;豬腸帶有明顯滷水香料味, 但唔夠肥;豬皮嗦汁夠勁, 軟腍無渣, 但有一件就超多豬毛    牛筋的滷水味道沉厚濃鬱, 煮到軟來起膠, 亦帶咬度。






食完午餐後就玩了個遊戲, 要每個人將剛剛食過的食物用價錢來評分, 還要把「錢」放入特製膠箱裏, 每個人都用盡心思出奇制勝地「付款」 , 誰人付的款項不能討Leo心, 他會忽然彈出來與你argue一番......爆笑 


「Sh...sh...!」  Leo在偷睇其他團員放底多少「銀兩」......


唔啱心水, Leo 又彈出來  


排住隊等玩...



彈弓Leo出動


門口有告示話, 有客人自己帶器皿來偷辣椒醬  



到最後一階段, 就是團員細心欣賞「車仔麵王子」表演炸雲吞, 好嘢, 我又袋咗知識啦 









總結, 其實所有食品製作都是由「車仔麵王子」一腳踢攪掂, 用料、心機、烹飪都是用最基本最原始, 只不過現在的商家只著重用最少的付出來得到最大的得益,  在商言商, 可以講是無良心, 因此我相信每個家庭都會有一個「車仔麵王子/公主」。



 華記小食店
青衣涌美老屋村90號地下

 2436-0710
平均消費 : $40以下


============================================

感謝 煮‧食‧樂 提供以上資料

煮‧食‧樂的網誌: http://ilovedisneyland-ilovecookeatfun.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:青衣
  • 攻略時間:1-3小時
    是次消費:N/A
0人比"掂"

最多能輸入300字

累積瀏覽 470742

全部攻略 461

全部回應 299