![]()
黑雨後的星期四，終於都等到睇鴨熱潮冷卻，趁放工仲有少少時間未天黑仆出尖沙咀去睇。
![]()
熟悉的巨鴨，熟悉的畫面，從報章及facebook 已看了很多遍了。但當行近巨鴨第一眼見到佢的時候，心頭還是很興奮，拿出相機瘋拍。
![]()
要拍鴨的正面，最佳位置就是最迫人的天星一帶。好彩呢日人未算多，好快就成功進佔到最靠海的欄杆位拍照。不過影影下冇啦啦俾個自由行女人推開，佢要幫佢屋企人影相。對付呢d 野蠻行為，當然也要用野蠻手段。唔使出聲動氣鬧佢的，行埋去佢屋企人身邊唔理佢地繼續影就得架喇。
![]()
在天星一帶拍夠後又去到海港城露天cafe 一帶拍鴨的側面。
![]()
拑住隻鴨咀
向海港城的counter 哥哥打聽上停車場天台的方法後就快步趁未天黑仆上去。 網上有人教路這裡是拍鴨的最佳位置。
![]()
先上停車場二樓。雖然有欄杆圍住，不過影鴨都夠位。
![]()
停車場二樓可以影到鴨仔照鏡
停車場二樓可以拍到比較勉強的人鴨合照
![]()
來到三樓停車場天合，鴨看來小了一點，但視野更廣闊。不少龍友已set 好腳架等拍夜景。我冇腳架，惟有趁未天黑齊多拍一點。
![]()
只是入黑後，巨鴨被廣告版照得反光
![]()
回到地面海港城那人多擠迫的樓梯，再近拍巨鴨。這裡夠光，不用set 腳架都夠清
![]()
由天光影到天黑，影左百幾張，乜都夠了。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
