媽媽...母親節快樂...
知道你知慳識儉...花唔敢送啦...
所以...我們這一家和妹妹那一家約好同你一齊飲茶...
一齊食晚飯...一齊度過母親節..,
母親節飲茶要等耐少少...不過...我會早少少去等位啦...
媽媽:
有好多說話好想同你講...一直開不了口...
唯有...利用文字同你講...
希望有一天你會看到...
從前我總是覺得你愛錫妹妹多一點...原來唔係...
你...三個都錫...三個都愛...
對不起...我錯怪了你...
還記得小時候...我最喜歡跟住你...
我們經常跟你的朋友...行街...飲茶...
還有...到大家樂食燒春雞...
不過...唔知幾時...我開始唔跟你...
唔係我唔鍾意你...只係...
我覺得唔可以霸住你...妹妹比我更需要你...
久而久之...我變得獨立了...
我和你的關係因而疏遠了...
唔知你記唔記得...跟你番工...出街送件的那天...
我就記得好清楚...
為了慳少少車錢...那天我倆走了很多很多的路...
大熱天時...走到身水身汗...
我只是走一天...而你每天也走...也沒有一句怨言...
可是...我還是沒有領會到賺錢辛苦的道理...
沒有好好地讀書...辜負了你對我的期望...
中七高考放榜那天...颱風尤特襲港...掛了八號風球...
大家要上網看放榜結果...
那天網絡大擠塞...等了兩個小時先看到成績...
一看之下...大失所望...
一滴眼淚...兩滴眼淚...不停流下...控制不了...
我哭了...我知道你是想陪我哭的...
不過...為了怕我難堪...
你只有雙眼通紅...忍着淚水的安慰我...
風球除下...我相約同學回校取成績單...
因為唔想面對你...我有心晚回家...
那天...你捱眼瞓等我回家...
對不起...我應該一早知道你會等我...
高考失敗...你給了我一個機會重考...
那時...我愛情至上...沒有好好珍惜...
其實...沒有讀上大學是我一直的心結...
不過...路是我自己選擇的...我沒有後悔...
我的任性決定...沒有徵求你同意...
你不但沒有反對我...還默默支持我...
不管我的決定是錯是對...
曾經我做了很多反叛的事...沒有想過後果...
傷了家人的心...傷了你的心...
你不但沒有怪責我...還原諒我...維護我...
真係好多謝你...一直對我的不離不棄...
無論發生甚麼事...你也會站在我的一邊...
心甘情願的支持我...
你對我無私的愛...從沒有間斷...
即使我有了自己的家庭...你還事事為我擔心...
每一次回娘家的時候...你會準備大包細包給我...
買這些買那些給我...好像害怕我不懂買一樣...
我大個啦...唔再係細路啦...
你唔需要為我擔心...不過...我知道我點講...
你仍然會繼續擔心我...繼續愛我...
雖然我們不是大富之家...慶幸...
我有你...有爸爸...有大妹妹...有小妹妹...
給了我一個幸福的家...給了我一個快樂的童年...
I LOVE YOU ...
你的大女兒上
鐘意SeeWide的分享，給我們一個Like吧！
-
-
-
- 攻略日期：N/A
- 攻略地點：N/A
-
- 攻略時間：N/A
- 是次消費：N/A
-
