兩母子拍拖遊迪迪尼

16 APRIL 2014(WED)

好耐冇入迪迪尼啦，所以就趁放復活節假兩母子入去拍拖玩返轉先~

今日一同小小豬講同佢入迪迪尼時，小小豬都已經計劃好晒要去邊度玩，都不知幾興奮呀！

小小豬第一個最鐘意嘅地方，咪就係小小世界，個傻豬未去到就已經唱定歌啦~

原本小小豬都想再搭多一次，不過我地玩完之後就已經見到勁長人龍，所以都係留返啲時間玩其他嘢啦！

之後當然係去左搵公仔玩，小小豬其實係MICKEY嘅FANS，不過今次又真係好奇怪，竟然主動話搵POOH POOH同高飛影，話下次先再搵MICKEY呀！

個傻豬仔見到POOH POOH好興奮呀~

興奮程度簡直有啲過份，就連排隊搵高飛時情緒都勁高漲呀~

一見到高飛就勁玩呀~

之後就夠鐘去睇巡遊，不過今日真係勁多人，我地又遲左少少，所以都搵唔到個靚位。好在有份好心媽媽，讓左少少位俾我地，咁先可以坐底睇呀！

不過，亦都係因為太多人，所以小小豬巡遊時本來有俾邀請出去玩，但由於太多小朋友，所以分唔到個棒棒，所以變相冇得玩，好失望嘅豬仔呀~

依個時候都玩到攰，所以去食個TEA休息一吓先~

為食豬好專心咁食食食~

之後就去排隊玩飛碟，我地都排左差唔多大半個鐘先到我地。不過出奇地小小豬今次好乖咁排隊，可能就係因為佢太想玩，所以就合作啦~

玩完見到巴斯光年，當然又去搵吓佢啦！我地入園咁多次，都係第一次搵巴斯光年影相呀~

路過見到魔術師先生，當然又影吓啦~

原本想同小小豬玩轉小飛像同木馬先走，不過依兩個遊戲真係勁多人，要排大約45分鐘先有得玩，見小小豬都攰攰地，所以都係唔排，搭車返屋企搵大肥豬食晚飯啦！

其實兩母子入去玩返轉都真係唔錯，等我搵多啲機會再帶小小豬入園拍吓拖先。

其他博客區
※※ SINA ※※

※※ MyBB星級Blogger ※※

※※ WeShare ※※

※※ She.com ※※

※※ theZtyle ※※
※※ SeeWide ※※

MY FACEBOOK~


MY WEIBO~

MY E-MAIL~