17 APRIL 2014(THU)
自從肥媽節目出街之後,係Facebook都成日見好多朋友仔Post佢地嘅製成品。
我當然唔執輸啦,自上次整左土匪雞翼(請按此)之後,今日又整左另一樣熱門嘅,就係 Tiramisu雪糕啦~
哈哈...我依個咖啡粉都幾有來頭,早係大半年前,小豬媽有朋友去越南旅行,所以就託朋友仔買左盒貓屎咖啡俾愛好飲咖啡嘅大肥豬~
不過因為整依啲滴漏咖啡都好需要時間,所以一直都擺埋一邊,話有時間就整杯俾大肥豬飲。點知一擺就擺到依家要整雪糕先嚟開,某程度上都覺得自己有丁點兒過分添...哈哈哈~
我嘅Tiramisu雪糕完成啦,不過唔知係唔係我打得太多泡泡,所以面頭好多泡泡唔太靚添~
不過我覺得今次比較甜左啲啲,下次再整時可以將個煉奶分量落少啲啲,咁就應該仲好味呀!
原來整雪糕真係咁容易,相信用同一個做法配合唔同嘅材料,就可以整出唔同味道嘅雪糕。我已經諗定下次試吓用斑蘭整,等我去買啲材料,咁就可以食到斑蘭雪糕啦!(希望我依個想法係成功啦)
其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※