點解有包紐結糖食，都喺為食嘅食友所贈，去完澳門，就晌氹仔買嚟依小包紐結糖俾我。因為先後收到好幾包嚟自唔同店舖嘅紐結糖，所以就一次過寫晒4篇食評，名為「聯朋結糖」（一）、（二）、（三）、（四），唔喺要做咩比較，只喺藉文多謝食友一番心意啫。之前已從另一食友收到一包「老牌」車厘哥夫嘅低糖紐結糖，正當以為又收到同樣手信之時，發覺店名有頗大分別，包裝袋上寫住「正牌」車厘哥夫，仲要標明「凌師傅首創」，有埋佢張嘜頭相。
其實「老牌」vs「正牌」，小弟唔知邊間好啲、邊間出名啲，亦無心去考究，因為飲食世界，各有獨門秘技；況且，就算同一樣嘢食，有人覺得好好食，亦有人覺得好難食，口味嘅嘢始終好個人囉。
正牌車厘哥夫嘅原味紐結糖，都喺一包4粒，每粒獨立包裝，成份有花生、砂糖、牛油、奶粉、蛋白、液體葡萄糖，基本上跟老牌車厘哥夫嘅一樣，在乎比重份量。色澤偏白，但就無咁巗巉，質感都喺硬脆有奶香，不過最大分別喺花生粒勁多。
後尾再上佢哋個網址，發覺原來仲有好多款口味，如低糖低卡紐結糖、朱古力脆卜米紐結糖、菠萝紐結糖、芒果紐結糖、椰子纽结糖、橙子纽结糖……等等，仲有一款叫西杏紐結糖，喺以美國杏仁取代花生，相信更香脆可口。
www.real-cherikoff.com
餘下品牌嘅紐結糖，請另睇其他食評，連結如下：
個人評分
味道：8/10
環境：7/10
服務：7/10
抵食：8/10
平均每人消費：HK$0（禮物）
餐廳資料：
正牌車厘哥夫
氹仔舊城區官也街9號C地下
(853) 2882 5155
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
好食懶做（地區分類）
