七星伴月之夜@bbq 篇

為慶祝同期 P 以及同期 R 踏入第四年之喜 , 小妹以及一眾早已離職既十月九同期 , 早左六日為佢地慶祝 . 是日原定活動為濕地公園+BBQ . 由於出現小小意外 , 導致濕地公園未能成行 , 改去食 Tea , 在此小妹作出由衷懺悔 , 下次必定準時 !

尋晚天朗氣晴 , 可惜同期 E ( 轉行做空少 ) , 因飛走左 , 所以未能參與 , 實屬可惜 ! 小妹 Airside 同期總共有十位 , 當中有一位 Apple 姐 ( 花名 ) 早就跟各人斷絕來往 , 因此在小妹心中 , 同期實質只有九個 .

是次活動有八位出席 , 實屬難得 ! 尋晚我地又燒蝦又燒帶子 , 真係食得好開心 ! 大家講下近況 , 笑下以前既傻仔野 , 好快就玩左一日 . 看來大家仲有好多好多野未分享得曬 , 所以再相約下個月月頭踩單車 , 正 ~

唔經唔覺就四年啦 , 回想當日接受八星期特訓 , 大家一起上堂 , 吃飯 , 考試以及溫書 . 落更之後互相扶持以及咀咒 Senior , 捱下捱下就咁多年 ! 想當日大家仲青春少艾 , 今日就 ... 唉 !

雖然做地勤好辛苦 , 但認識到一班咁好既同期 , 其實都值得 ! 老土都要講一句 , 希望大家友誼永固 , 每年出來見一下 , 食個飯吹吹水 ~