泰發泰國餐廳 (野食好服務差)

人均消費：HKD$130

又係去九龍城食泰國野，今次朋友好醒目咁上openrice 搵左間餐廳，早一日打左電話去Book檯8:30pm，心諗，無死啦。好少何星期六可以book 到咁既時間，開心到好似中左六合彩三個字咁。一晚之後我對佢既服務打左個一折。

我地8:00pm已經到左，唔好預到咁準時啦。就同個門口泰國Waitress講到左。見佢咁多客，我好大方咁講，8:30pm左右俾檯我地都ok，佢即回覆，電話Book 左同Walk In 客一樣要拎飛等。我即時ABCDEFGHIJKLMNOPQRSTUVWXYZ佢。你無得Book 檯扮有得Book檯，我火都黎，因為約左朋友去，所以繼續等。(angry)

好在有等落去，佢既野食真係唔話得。

今次推介 ─ 泰式什錦拼盤(thumbs up)

因為同朋友去，所以成個拼盆我都唔係每樣都食晒，佢有雞串、蝦餅、蝦餅拼皮蛋、春卷同埋一樣唔知咩野。其實成個拼盤差唔多樣樣都好好食。全晚最好食就係佢。

雞串：一個字，滑。另外佢係有燒過，但一D都唔燶。
蝦餅：佢唔油，面身脆，唔係即炸好即上碟，佢都驚你熱親個口。
蝦餅拼皮蛋：未食時會覺得好怪，因為皮蛋味唔係個個都頂到。但一食過呢倨之後又覺得好夾。加上整法方面係釀左隻皮蛋落舊蝦餅度，蝦餅已然好好食，再加上熱皮蛋。師傅炸法真係唔錯。
春卷：出面泰式春卷都係蘿蔔絲，但佢用既係粉絲，好入味。正。

泰式什錦拼盆 ($128)


鐵板蠔仔蛋，佢鐵板上係好熱，但佢為左D蛋唔痂底，所以勁落油，一般(smug)

鐵板蠔仔蛋 ($68)

蒜蓉包其實都係一絕，因為出面食蒜蓉包都有時會好硬，但呢間野既蒜蓉包只有五分硬，硬度適中。我地當晚有叫到咖喱，所以可以點咖喱送包。因為個包好軟，又好吸味，如果個咖喱好食就仲好，但呢間野既咖喱可以食。再講，佢既蒜蓉味都唔係好重，食完唔食好口臭。

蒜蓉包 ($35)(thumbs up)

一個泰式蝦焗粉絲煲，好明顯有蝦同粉絲，佢有蝦同粉絲就一定啦，但就睇下多唔多，佢d蝦唔知係唔係泰式蝦，蝦身長但肉質唔肥。如果佢用虎蝦就仲ok。粉絲都唔係一樣貴既野，但佢可以賣到成$138，就正正係入味。佢每條粉絲都有醬油味。D醬油仲要唔係好咸。正。(thumbs up)

泰式蝦焗粉絲煲 ($138)

食完先覺得佢係好食，就算d service 差d，我都會同人講，如果想食，唔洗book 檯，直頭去等位啦。

好：野食就堅好食
壞：無得Book 檯扮有得Book檯

光顧日期：20 July, 2013

地址 : 九龍城太子道西448號太子滙地下9-10號鋪
Openrice : http://www.openrice.com/restaurant/sr2.htm?shopid=129065

============================================

感謝 易風 提供以上資料

易風的網誌: http://yikfung.blogspot.hk/

============================================