第一次食韓燒@韓雅林

22 APRIL 2014(TUE)

諗緊啲食物熟未哦~

大肥豬話小小豬仲放緊假，我由朝到晚都睇實依個百厭豬，所以間唔中夜晚都會放吓我假唔洗煮飯。今日大肥又話帶我地去食好嘢，就係去食韓燒啦！

其實小小豬都係第一次去食韓燒，大肥豬話既然係第一次，所以就帶我地去食好少少，未開始時小小豬都已經好興奮啦~

韓燒我自己之前都食過好多次，不過都係一啲自助式，因為貪佢可以一個價錢食好多唔同種類嘅嘢，感覺上好似抵啲嘛！但其實大肥豬係唔鐘意依個形式，佢話嗰啲餐廳衛生程度都有限，同埋啲食物積素又差少少，既然去食就食好少少，所以就帶左我地嚟依度啦~

由於我地都唔算太肚餓，所以只係叫左三款主菜。雖然佢地每一碟都要百幾蚊，不過個質素真係唔錯好新鮮呀！尤其係啲帶子，好鮮甜勁回味呀~

開始食之前先為我地準備韓式前菜~

職員哥哥仲送左個蘿蔔湯俾小小豬添~

小小豬當然唔止要食肉，一個人食晒成碗白飯呀~
 

開始啦~

依個傻豬仔食得幾開心~

當然小小豬又點安於只係食呢！見我地燒得咁興奮，佢又話想做廚師燒俾我地食。大肥豬當然好樂意俾小小豬試啦，依個都係大肥豬提意去食韓燒原因，因為想俾小小豬接觸吓唔同種類嘅煮食方法，等佢見識多啲呀！

所以等小小豬乖乖食晒碗飯之後，就變身小廚師啦~

睇佢自己夾到時個樣幾神氣~

仲食得津津有味添~

今晚依個晚餐真係食得開心又滿足，大肥豬仲話搵機會要再嚟食過添！緊係啦...依個YES DADDY見個仔燒得咁興奮，當然會再嚟俾小小豬玩多幾次啦！

其他博客區
※※ SINA ※※
※※ MyBB星級Blogger ※※
※※ WeShare ※※
※※ She.com ※※
※※ theZtyle ※※
※※ SeeWide ※※

MY FACEBOOK~


MY WEIBO~