2010年10月26日下午6:59累積瀏覽 21643
每次認識新朋友 , 得知小妹做地勤 , 都會問小妹有無免費機票 ? 有無試過 Standby ? 去過幾多個國家 ? 一日飛幾多轉 ... ? 又自動將地勤跟空姐畫上等號 ! 經過多番解釋之後 , 佢地都會似懂非懂地問小妹 : 咁點解你唔做空姐 ?
點解唔做空姐 ? 因為佢唔請我囉 ! 小妹係由細到大都好依賴 , 雖然家中排最大 , 但就生得最細粒 , 成日被人蝦又唔敢出聲既溫室小花 . 不但怕事 , 仲好驚鬼 , 訓唔慣外面既床 , 空姐經常要一個人住酒店 , 叫小妹點得 ?
再加上 , 小妹外貌只係五官端正 , 身高又只有 15x , 體重又過輕 , 大風少少都會企唔穩 . 基本上 , 考空姐係有高度限制 , 唔夠高就算你貌若天仙 , 精通十國語言都無得傾 .
我 Last Day 時跟一班空中小姐的合照 , 一睇就知我唔夠高啦 ...
地勤就唔同 , 無高度限制 , 又唔洗留係外地訓酒店 , 所以小妹係機緣巧合既情況下 , 就入左行 , 一做就做左 N 年 . 做左地勤之後 , 小妹口齒伶俐左 , 英文國語進步左 , 人又獨立左 , 仲一年去幾次旅行 , 訓酒店訓多左 , 人都大膽左 ! 總之一句 : 變左 !
做左地勤一年 , 每次放假都係假既 , 即係返完至夜先 off 再返至早 , 開始心有不甘 , 再加上朋友話蚊型航空請空姐 , 剛好小妹個日唔想返工 , 所以陪左朋友去 Walk In . 小妹無講大話 , 真係陪人去架 !
陪個朋友到左正門 , 小妹就企左係門口到等 , 因為蚊型航空要求見工者點到 208 cm , 唔洗試小妹都知唔得啦 ! 負責招待見工者既個位小姐 , 根據顏色係屬於 Senior 級別 , 佢可能太得閒 , 因為蚊型航空唔出名 , 小妹眼見只得五 , 六十個人黎見工 , 同魚翅航空真係無得比 !
Senior 空姐主動走過黎跟小妹吹水 , 又叫小妹入去試下 , 結果小妹就樣衰衰咁入去度高 , 一度果然唔夠高 ! 同個空姐尷尬咁笑一笑之後 , 小妹又出返門口等朋友 . 個位空姐好似好鐘意小妹咁 , 又叫多幾位空姐出黎睇下小妹 , 之後 , 有個唔係著空姐衫既人又出黎門口望左小妹一眼 , 接住就講 " 班 Crew 話你好有笑容 , 好 Nice , 所以希望你入黎 Interview " 小妹就答 " 但我唔夠高 " 回覆係 " Just for u , keep secret , ok ? "
小妹好順利咁即日完成左 1st & 2nd in , 進入下星期既 Final in ! 朋友出黎見唔到小妹仲以為小妹走左 ... 有無攪錯 , 小妹就陪你 , 但你就走左 . 聽朋友講佢 1st in 完就叫佢返去等消息 .
話咁快就到左 Final in 既大日子 . 當日小妹遇到一個大肚考官 , 佢好嚴肅 , 從細節可能佢對小妹印象麻麻 . In 完正常都會叫你返去等消息 , 但小妹個 Case 真係一反常態 . 小妹被依位準媽媽 , 相信係暫時落地既大家姐 Brifing 左十五分鐘 , 內容精簡如下 :
x 小姐 , 你應該知道自己唔夠高 , 我地都比機會你 , 但似乎你無心做 , 既然無心做 , 就唔好浪費我地時間 , 唔好浪費自己時間 ( 即刻改口 ) . 空姐依行大把人想做囉 , 我地亦好多選擇 , 唔一定要你 ! 如果你真係好有 Heart 想做 , 麻煩你準備好少少 , 半年之後再黎過 .
如果你係小妹 , 仲會唔會再接再厲 , In 多幾間公司 , In 到成功為此 ?
累積瀏覽 504390
全部攻略 711
全部回應 4285