楊枝金露 - 家人致愛甜品之一
甜中帶酸, 當然, 而家好多出面都唔會落西柚,
因為迎合怕酸人仕, 但係我自己又覺得微酸先
係楊枝金露特別之處嘛, 唔理啦, 我自己整就
會落番西柚, 而家出面好多時都係淨沙田柚呢!
要食得招積, 我連西米都要落大粒同細粒 !死未 !
真係超正甜品之一 !
多芒果 , 西米都要唔少架, 少西米得濟, 食唔到, 就唔同感覺架喇!
今次份量, 我家4人份量, 但是十分喜愛, 所以每人有2-3碗架 !
1. 芒果 ( 大 ).........................4 個 切粒 (頭頭尾尾用攪拌機攪勻成芒果蓉)
2. 西柚 ...............................3分之2 個 (起肉,搣散)
3. 沙田柚.................................3分1 個 (起肉,搣散)
4. 西米......................................適量 (要睇自己喜歡多d 就落多d )
(我仲放咗有大有細0既西米, 有唔同0既口感)
5. 椰漿.......................................200ml 我用快達牌
6. 水...........................................700ml
7. 冰糖........................................300g 加300水 煲溶放涼 拌唔一定要放晒
慢慢加, 調啱自己喜歡0既甜度, 有剩
可以放雪櫃, 其他用途用.
~~~~~~~~~~將所有混合就可以喇! ~~~~~~~~~~~~~~
~~~~~~~~~~最少要雪2個鐘先正喎!!~~~~~~~~~~~~~
超級多材料，夏天返到屋企，食返一碗冰涼既楊枝金露，人生一大享受～
