本來不打算寫這篇網誌,但因為實在太靚, 還是忍不住手想和大家分享, 昨晚放工經過7-Eleven, 竟然見到好好好靚一套One Piece 海賊王 企定定的 7-11中央位置, 慘!! 又要日日去7-11血併 !!!
其實, 我很少看7-11的官方Facebook, 原來5日前己經有剪影預告, 到昨晚上9點才放上第一張彩色宣傳照片. 自從上次怪獸大學, 7-11的印花公仔質素真的愈來愈高, 今次, 海賊王又再次第一眼即時令我有換畢全部玩具的衝動.
十個Figures : 路飛, 索柏, 奈美, 卓洛, 山治, 漢哥古, 芬奇, 布克,魯賓,烏索普 , 還有148元的烈陽號, 靚得要叫救命. 記得去年OK也同樣推出過One Piece 海賊王 的精品, 老實說, 點解質素可以相差那裡大, 今次7-11的級數絶對羸OK起碼十條街.
7-11每次換公仔大約也有2個月的時間, 但記得上次怪獸大學不足一個月已經出現真空情況, 不知今次情況會不會同樣利害呢 ?
剛才想第一時間隨便買50-60元東西, 換印花, 但店員姐姐說:「未有得派印花住架, 聽朝先啦, 你聽朝先嚟買過啦!!」
