開心迪迪尼

24 MAY 2014(SAT)

自從上次係復活節假同小小豬拍拖去迪迪尼玩之後(請按此)，原本都有好幾次機會入嚟玩，不過天氣唔好，想嚟嗰日就落雨，所以都有成個月冇入嚟玩啦！

餓左好耐嘅迪迪尼癮，終於今日可以係陽光普照嘅一天開心入嚟玩返日啦~

其實今日除左我地三口子之外，仲約埋朋友仔一齊去，我地四大兩小暢遊迪迪尼呀！(不過因為朋友仔唔太方便上鏡，所以只係分享我地三口子相片啦)

小小豬一入到園就周圍走就啦~

因為小小豬個朋友仔係巴斯光年嘅FANS，所以我地第一個目的地當然係去搵巴斯啦！

唔知幾時開始小小豬都鐘意巴斯，一見到就攬住唔放手啦~

當然唔少得去玩巴斯射槍槍啦~

一玩完GAME出嚟就係SHOP攪攪陣啦~

去坐飛碟啦~

到巡遊時間，可能玩左好幾次，小小豬一聽到個音樂差唔多到去玩時段，就已經起定身準備出去玩。今次玩得好興奮，真係要俾個GOOD小小豬先得啦~

又到小小豬至愛活動，就係去小小世界。今日真係勁多人，平日都唔洗點排隊，不過今日我地都排左差唔多大半個鐘。其實都俾一入門口嗰個景象嚇親，但兩個小朋友都鐘意，所以我地就陪排啦~

次次入園都冇機會揸車車，終於今日可以玩啦~

其實之前好幾次都已經好想小小豬嚟玩，每一次當去到時，都見到話排隊時間需要40分鐘以上，唔多願意排隊嘅大肥豬當然唔建議我地玩，話留返啲排隊時間去玩其他嘢。

今日嘅排隊時間都係話40分鐘，原本我地打算係附近玩住水等朋友仔，但小小豬竟然好主動話要揸車，仲話會乖乖排隊。一向愛仔如命嘅大肥豬見到都迫住一齊去玩。

好在我地有嚟玩，因為小小豬揸車時真係好開心，全程要自己控制個呔盤，玩得不知幾投入呀~

玩完依個GAME大家都攰到冇朋友，所以去食個晚餐休息一陣，充充電呀！

食飽飽之後就去睇3D~

小小豬都係第二次去睇3D，今次比上次更加投入，成日都舉起手想拎啲3D物品，見到由天空跌落地又會好驚咁攬實我，真係好攪笑呀！

最後我地就去搵反斗奇兵，兩個的小朋友望住胡迪，唔知點解我覺得依張相好攪笑呀~

又嚟第一次，就係去玩彈弓狗啦！都係嗰句，次次嚟都勁多人，不過今日可能我地玩得夜，人都唔算多，排左大約20分鐘就可以去玩啦~

開頭都怕小小豬會驚，點知個大膽豬一啲都唔驚，仲成日周圍望~

原本我地都打算睇埋煙花先走，不過唔好話兩個小朋友，我地四個大人都好攰，所以都唔睇煙花，留返下次入園先再睇過啦！

今日入園有好多第一次，第一次約埋朋友仔一齊玩、第一次渣車車、第一次玩彈弓狗，最緊要係第一次玩到天黑先返屋企呀！

今日玩得真係超盡興，不過下次再入園都應該要等到暑假，唔知今年暑假有啲咩新活動推出呢？到時一定要嚟多啲玩多啲呀！

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※

 

MY FACEBOOK~


MY WEIBO~

MY E-MAIL~