0

Delete愛人 其實幾有意義

XsunnyX 於 2014-05-31 00:29:24 發表  |  累積瀏覽 807

分類:影評 ;地區:天水圍

攻略日期:2014-05-27

是次消費:每人平均約HK$ 50.00

第一次寫影評,手下留情啊~


官方簡介就係咁嘅

蘇波榮(王祖藍 飾)是一個整天喊著懷才不遇的小人物,在傳銷界教父馬上發(許冠文 飾)創辦的「馬上發逹顧問有限公司」工作。榮經常被同事出陰招偷橋搶功勞,令他事業失意。工作以外,榮也從未嚐過家庭溫暖,因為阿媽蘇太(元秋 飾)和阿妹蘇依時(莊思敏 飾)對他漠不關心,只當他搖錢樹;而榮的唯一知心好友華Dee(方力申 飾),又時常撞板闖禍連累他。幸好,榮還有一個青梅竹馬的女朋友鍾家寶(王菀之 飾),是他失意時的遮蔭大樹,甚至賢淑得對榮的冤鬱發洩都照單全收,唯一缺點是她周身病痛,終日憂慮自己命不久矣,為榮平添煩惱......


諸事不順的榮,在萬念俱灰的時候收到一個奇怪短訊 :「你有想過Delete不喜歡的那個他/她?先轉給一個朋友!祝你願望成真!」榮手忙腳亂之下確認了短訊,從此便得到這匪夷所思的能力,把不喜歡的人通通delete掉!榮會否真的得到完美人生,永無後顧之憂的快樂?


預告片

https://www.youtube.com/watch?v=pXV_zxS4nDk


都有人話過為王祖藍而入場,但最後認為唔好睇。其實係你地唔識睇。前半Part幾無聊,唔係話無聊嘅,不過王祖藍D Gag太爛咁樣咯。

蘇波榮(王祖藍 飾)其中一個同事細細粒好得意,把聲幾爹!不過作為一個業績同人緣最渣嘅人,一定會俾人遇到事業上各種失意之後,佢突然收到一個可以『隨便Delete唔想遇到嘅人』短訊嘅。因為業績太差,所以馬上發要炒佢魷。臨走之前,馬上發有請蘇波榮食最後的晚餐,其中包括有生蠔。因為佢唔想食生蠔,但要扮食,就丟落地下,結果老闆先落地,之後無左呼吸。結果蘇玩。波榮講左句『唔通D仆街老闆都要仆街死?我寧願Delete你都唔要殺左你啊!』『我要一個好老闆』結果老闆就變成好型嘅王敏德啦!公司開始日日都係玩,唔再做嘢啦!之後細細粒亦變成靚女連詩雅。


家庭方面,有一日佢個妹蘇依時(莊思敏 飾)賭錢輸錢要借大耳窿,因為無錢還,結果俾人押返香港。老母(元秋 飾)逼佢幫個妹還錢,仲話無錢就要賣左間屋,之後佢地仲系屋企開左個賭檔。講開又講,有數佬就係亞洲電視嘅姜皓文,咁就順便抽埋無線水,因為佢話亞洲電視本港台系最好睇嘅電視台,唔通真係因為西遊記?佢阿媽掛住賭錢,唔肯煮飯,令佢想要一個會煮飯嘅阿媽,阿媽就變成溫柔嘅薛家燕。因為想要一個斯文大方嘅細妹,佢個妹就變成龍小菌。


因為頂唔順鍾家寶(王菀之 飾)嘅周身病痛,想要一個系佢面前成日『寶貝寶貝』嘅女朋友,佢女朋友就變成一個大陸人(王李丹妮 飾),結果對耐左,同埋發現阿寶有BB,就想要返原本嘅阿寶,結果就後悔。


因為頂唔順佢朋友華Dee(方力申 飾)成日累到佢,仲要同佢爭女,華Dee就變成一個唔會同佢爭女嘅Iron Man(Eric Kwok 飾),點知原來Iron Man想變成蘇波榮嘅『愛人Man』,結果當然都係後悔啦!


又再講返公司,鬼佬馬上發因為日日掛住玩,唔做正經野,結果搞到要賣盤。老細逼蘇波榮做老細,要佢炒曬全公司D人。結果佢講左句『我寧願一世唔做老闆,都要返個好老細』,原本個馬上發就雪一聲返左來啦!


原來馬上發都用過Delete功能,老婆話佢無出色,就要Delete佢。當佢想一切打回原形,就要犧牲一切。佢個仔發現之後,就話『阿爸,我地係你變出來,唔係生出來架,我地無回憶,所以殺左你都無問題』(其實之前食早餐,個仔成日都睇本書就見到端倪(本書好似就係叫《如何殺人而逍遙法外》)


結果點變都好,就算犧牲一切(包括條命)佢地都要打回原形,因為『屋企人,就係平時奇奇怪怪,但唔見一排就會好掛住嘅人』。佢地重過新生活之後,又收到一個信息,就係『如果你要Replace一下一個名人,你想變成邊個?』其中一個選擇係Cool魔。正常人都係見過鬼會怕黑,但馬上發就係唔識醒覺,變成Cool魔。


之後翻睇yahoo電影,揾返個預告,見到有人寫話『以後見到葉念琛拍喜劇的戲,一定要delete』。首先呢D題材,本身其實好難好睇嘅,仲要變成笑片,何況葉念琛本來拍開愛情片,其他方面應該差D。老牌笑匠,得許冠文比較自然,王祖藍反而變成陪襯。而王菀之雖然都好好睇,但佢角色所限,根本無可能會好正常,加上經驗淺,算佢啦!


PS:片尾嘅《我真的受傷了》王祖藍嘅造型同歌詞,大家有無覺得有王祖藍M Club別注版《你是如此難以忘記》嘅感覺呢?



套戲所有字幕都係廣東話,同埋天水圍嘉湖銀座1院個MON好細


鐘意SeeWide的分享,給我們一個Like吧!
  • 攻略日期:2014-05-27
    攻略地點:天水圍
  • 攻略時間:1-3小時
    是次消費:每人平均約HK$ 50.00
0人比"掂"

最多能輸入300字

38
展覽
20
境外遊
44
自然美景
87
43
人間景色
4
電影
顯示更多

累積瀏覽 380684

全部攻略 261

全部回應 689