攻略日期:2014-05-27
5月27日凌晨3:30分起身,
洗漱完後拖著行李前往巴士站搭4:20分的巴士去機場。
準時於5:30分集合,搞好手續之後,
7:30分登上飛機,前往沖繩,參加左康X旅行社5日4夜既半自由行。
(把時間寫得甘清楚,主要係,去旅遊唔就係為了休息嗎?但感覺比返工仲累!)
係香港唱定日元。
兩個小時既飛機於日本時間10:30左右到埠,落機落好大雨!
有D擔心呢幾日既行程添!
過關,打手印,影相,搞足半個鐘先過到關,
等行李時影睇下周圍環境先。
沖繩地圖,導遊話似條蕉。
好多遊客來沖繩都係自由行,所以係機場有很多當地的旅遊路線同玩樂指南。
我地呢次參團係半自由行,頭兩天跟團,
後兩天自由行,所以我地攞左呢本有中文介紹既旅遊書,
書中詳細介紹了沖繩的景點,還有一些飲食的優惠劵。
等齊人之後,已是當地時間十二點半鐘,今天無咩行程,
第一站放我地幾個半自由行既幾個去呢度。
網上資料:Ashibinaa 在沖繩屬該區第一家 outlet。
購物村有 70 多個人氣品牌聚首一堂,貨品的折扣均十分可觀,進註店舖如 ABC-Mart、Adidas、Brooks Brothers、Protrek、Vans、Puma 均為港人熟悉,其中更有知名歐洲名牌 Armani、Coach、Ermenegildo Zegna、Rebecca Taylor、Vivienne Westwood、Salvatore Ferragamo、Levi’s等等。
其實對於購物無咩興趣,感覺呢度有D似東涌既outlet,
所以咩都沒有買。
為打發時間,唯有先填下肚。
可能仲未係旅遊旺季,所以店內無咩人。
一人叫左一個麵來食,可能精神唔好,影既相都唔靚。
食下野,上下網,抖下,打發完時間走人。
店鋪內既擺設吸引左我。
食完野行去其他鋪頭望下,除左名牌子店鋪,就係賣精品手信既店鋪。
當地的吉祥物:魔除獅子。
網上資料:
沖繩獅子(シーサー)是可以在沖繩縣等地方看到的傳說中的神獸石
像,在建築物的門口或屋頂都可以看到,有除魔、召來福氣的意味在。
在沖繩的方言為獅子的意思,嘴巴張開的是象徵福氣進來,
嘴巴合起來的則是象徵福氣跑不掉。
在購物區內不管是屋頂上還是草地上,隨處可見它們的身影。
一串串似怪物。
植物名:銀毛樹/白水木
無聊走走看看,六點半鐘導遊返來接我們返酒店。
酒店的大門口外也有很多石獅子。
酒店大堂唔算大,因為不想對人無禮,所以沒有影相。
大露台係望東的,如果天氣好還可睇日出!
希望未來4日可以有機會睇日出!
是日晚餐無出去食,因為酒店離市區比較遠的半山上,
而且呢日太早起床,又想快點食完休息,
所以之前係超市買左當地人食既便當做晚餐,都算係體驗一下吧!
估唔到求其一個便當味道都唔錯,而且款式都唔少。
來日本都話要食生果,買左個大蘋果,但感覺係:不過如此。
食完晚餐,落左大堂上下網,此酒店既WIFI太差了!根本上唔到網!
甘都好,平時係屋企對著電話上網到睡覺前一刻先放下,
呢度無WIFI都好,可以好好休息啦!
酒店既隔音不錯,晚上關上燈早早睡覺,很安靜,一覺到天光!