星加坡 PR 編
因為嫁左小童生後要遷到SG，當時第一時間申請左 Long Team Visit Pass，但個 Pass 只係批左一年，而且長遠計一定係做 PR
好 D，因為拎 LTVP 係好難找工。記得拎 LTVP 時，由上網預約交表至拎到個 Pass，都花了三個月。而申請 PR 時，make
appointment 交表都要等三個月，剛好排到七月底先可以交表，正常仲要成功交表後 3個月先可能有結果。其實我對能申請成功係零信心，試想想，小童生人工比我高，但都失敗左 2次，而且我申請時又無工作，對 SG 黎講真係零價值！但都唔諗咁多，申請左先算，點知⋯⋯一個半月後就寄信通知批左，當時我喺香港，仲傻更更問老公佢係咪搞錯左？！其實係叫我補交資料。Anyway，依家個証喺手，一天都光晒啦，以後唔洗年年續証，又可以找工作了！
搬 BLOG
自從Yahoo Blog 關閉後，真係勁煩，而且對網頁既認識唔多，又要 export 又要 import，搞到一頭煙，本來搬去 blogspot，但搞到吐血都搞唔到想要既效果，所以最後選擇搬到 wordpress 先。
考車牌
七月底交完 PR
申請表，第二日就返左香港兩個月學車，第一次抽到考葵盛圍，果次考得好差，又驚又前一晚緊張到無瞓過，所以乙部丙部分都陣亡左。教車師傅知我特登返香港考
車，所以一直好比心機教。（佢真係教得好好，而且唔呃鐘，好老實！）但果次失敗左後真係唔想再考車，一來學楂掍波貨VAN，對腳短既我真係好辛苦，所以次
次學完都腳仔軟。考完第一次後就堅持返星加坡，真係好久無見過老公，同要搞 PR 既申請。
返左兩星期，師父話排到快期，10月底就可以補考，其實係九萬個唔願意返香港，但師父話抽到澤安算幾好，仲要早上九點半考，人少車又少，小童生又覺得學左
唔考好可惜，咁唯有拎左 PR，又幫手收拾一下搬家既野後，又回香港考車，操練左一星期又去考，今次就 Pass 左啦！
♠ 今年 10月對我黎講意義重大，一次過拎左星加坡 PR ＆ 香港車牌 ♠
感謝 小童太 提供以上資料
小童太 的網誌: http://kamameow.wordpress.com
