富創意、新潮的意泰 Fusion 菜:: Greyhound Cafe

話時話，Bel Bel 都好耐無食過大餐了，而且我又正在減肥，真係唔知食乜好。
咁岩前幾日圍內有朋友生日，有人提議食意式及泰式 Fusion 菜，
於是我們四個女生，約埋去旺角新世紀廣場 Greyhound Cafe 食生日飯了。

可愛貓一聽到有得食大餐，梗係痴實主人我 Bel Bel 一齊去啦~ （≧∇≦）
她最鍾意食蘋果架，所以今次 Bel Bel 叫了一個蘋果做的甜品俾她食啦！

Greyhound Cafe 門口都有甜品自取售賣的，不過因為我實在太期待接下來的晚餐，居然忘了睇下有什麼賣。

餐廳裡的光線調得比較黑沉，加上牆上的 line art，感覺頗浪漫之餘，也添了一點藝術氣質。

這裡的侍應很細心，而且十分照顧周到，
侍應知道壽星女那晚要開 OT 遲到，所以先奉上前菜給我們三人，讓我們可以邊吃邊等。
待壽星女來到了，才陸續送上主菜及甜品。

[前菜] 薄切三文魚 - 三文魚幾鮮味，加埋泰式辣汁，估唔到大家既味道係咁夾喎。
口感很清新，簡直係我既至愛呀，嘻嘻〜（≧∇≦） 

[前菜] 秘製辣肉醬手包粉卷 - 首先木棒插著一個圓椰菜，外表玩味十足！
配料有免治肉醬、粉皮、芫茜及泰式辣汁等。

免治肉醬的味道只是微辣，即使同桌有人怕辣居然都吃得津津有味。
而且肉醬被椰菜及粉皮包著來食，口感卻變得清新起來！

[前菜] 脆炸單骨雞翼 - 簡直係懶惰的雞翼愛好者的福音呀~ :P 
唔駛拆骨，可以成隻雞翼放入口，已經夠晒方便，
仲有雞翼皮炸得非常香脆可口，但係肉汁卻保留在肉裡面，好好味！
味道雖然有少少辣，不過其辣度都很容易接受。

[主菜] 鮮蝦炒金邊粉 - 不算好特別，不過我鍾意 d 蝦夠大隻。:P 
而且金邊粉炒得不錯，濕濕地但一點都不油膩。

[主菜] 鮮蝦辣椒膏炒飯 - 炒飯濕濕地，鹹鹹地、小小辣，撈埋少少蝦乾一齊食，真係好滋味。
仲有鮮蝦都係大大隻，絕無欺場。:P
不過伴碟的一片蛋黃卻嫌太實和太鹹了。

[主菜] 海鮮墨魚汁麵 - 簡直就係意大利菜和泰國菜的完美配搭！
味道很特別，其意大利墨汁麵有少少香辣，麵質彈牙有嚼勁，濕度剛剛好，
而且食完之後，成張嘴都無變成黑色。
同樣的，海鮮配料有帶子、蝦、蟹子、魷魚、BB 蕃茄等都份量十足。
正！

待我們吃完主菜後，我們便要求侍應先送上生日蛋糕 (野莓千層蛋糕)。
生日蛋糕送來後，侍應還主動幫我們四人合照，真係好體貼呀。

[甜品] 野莓千層蛋糕 - 雖然好鬼 creamy，但係野莓的酸味，
除了醒胃，還中和了忌廉的甜漏，真是很完美的配搭！
Happy Birthday 牌和蠟燭都係店舖安排架，祝朋友生日快樂！

[甜品] 鮮製蘋果金寶 - 面頭舖滿晒脆卜卜的餅乾碎，
下面有好多大大粒兼沾滿餅碎的蘋果肉，好好味呀〜 

[甜品] 椰子千層蛋糕 - 每一層蛋糕之間都舖滿長長的新鮮椰條，
蛋糕軟綿綿，同時又感受到椰條的嚼頭，口感層次豐富，誠意之作。 

[甜品] 芒果芭菲 - 概念相信來自泰國美食「芒果椰汁飯」。
上面椰汁芭菲、中間鮮芒果、最底係椰汁糯米飯。
椰汁的清甜夾芒果的酸甜，讓口感甜而不膩，好好味呀！ 

這裡的飲品都相當有特色。今次我叫了一個很特別的熱飲：

[飲品] 藍蘭豆甜菊茶 - 右邊的熱茶壺泡了藍蘭豆甜菊茶的茶包，附上蜜糖用作調味。
這裡很讚的是，當我快要喝完茶壺裡的茶時，侍應主動問我是否需要添熱水。

泡出來的茶是深紫色的，很令人難忘呢。
除了喝得出有點菊花味之外，還有一些不知道怎樣形容的特別味道。

[飲品] Greyhound Cafe 特色檸檬茶 - 冰塊都是由檸檬茶製成的，
冰塊即使溶掉了，檸檬茶的味道都不會變淡。

我覺得這裡的泰國菜，每款菜式的賣相都很別緻吸引，
味道整體都不會太辣，十分親民，
即使很怕辣的人都很適合來品嚐。
尤其是這裡的甜品，都是我的至愛！
加上侍應的服務都相當細心體貼，
所以我們四位女生，這晚都食得好開心！

地址：
旺角新世紀廣場 301-302 號舖

電話：
(852) 2394 6000

Facebook:
https://www.facebook.com/GreyhoundCafeHK

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | 微博 | Instagram | Google+ ♥
E-mail ♥ bforbel@gmail.com