攻略日期:2012-11-13
夜晚成9點幾先到達清境既民宿~~黃慶果園
幾年前尼住過,今次再尼,一住住兩晚
佢地超nice既,好有人情味
今次我地一家三口第一晚住普通房,第二晚住豪華房
第一晚既普通房
房內有好多好有田園風味既小擺設
依間係家人既三人房,落地玻璃睇日出都好正架
而依間就係第二晚既豪華正房
落地玻璃,仲有露台
重點係依個超正大浴缸..
係房向睇日出...
仲睇到雲海呢..
真係美好既清晨
起床後,就到樓下小餐廳食早餐
佢地既早餐好簡單,但好有農村風味
感覺好窩心既
食完早餐,包車司機就尼接我地去奧萬大
奧萬大係一個公園,好出名睇紅葉架
車程都差不多要一個鐘
源路都係依啲超美既景色呢
依張想,本來係一條河..但因為地震關係,變晒泥呢...
仲有好多茶田
我地同雲咁高架...
跟住經過一個蕃茄田,包車司機竟然熱情地話要送我地一箱蕃茄....
嚇得我地....真係唔知點運返香港呢..我地即刻拒絕啦...
終於到達奧萬大了...
不過司機話,今年天氣問題,無乜紅葉了...
雖然無乜紅葉,但我地都好開心啦,親親大自然既感覺真係好好..
去完奧萬大..我地準備出發去小瑞士花園喇~~~