是次消費:每人平均約HK$ 150.00
前晚睇電視,睇左套韓國既飲食節目,
今集主題係豬腩肉
越睇越想食
今日出開去紅磡,就過左去黃埔個間吉之島睇下
依間吉之島真係好大,好多野買
買咗好多肉類..
返去尼個韓式燒烤
屋企有個小式燒烤爐
買個時都好擔心自己會三分鐘熱度
不過今次不負個爐所望
用咗都有好多次了
今日主題韓式
首先必要有豬腩肉
仲買左我至愛既豬頸肉
同買左一件澳洲和牛
啲豬腩肉真係好肥膩..
燒完,搽韓式甜辣醬,再用生菜包住食
好味到震
有一半豬頸肉用韓式醬加泡菜醃
食個時再伴泡菜食
好味啊~~
跟住當然要有蔬菜類
有南瓜同前一日去掘既有機蕃薯
仲有啲之前係屋企BBQ淨落既腸仔,丸之類
而海鮮就有蝦同埋蒲汁菁魚
最後必要有啲澱粉質既..
就係...手抓餅配咖喱汁
手抓餅燒一陣就食得..超超超正....
真係BBQ一大推介~~~
而最後仲有甜品
燒菠蘿
一定要用新鮮菠蘿
又甜又多汁...食完可以化解晒食咗咁多肉既油膩感呢