聖誕前的瘋狂煮

聖誕就到喇

我又開始忙到暈咗

今年聖誕節目好豐富

係聖誕前...我都無一刻停過手

係咁整係咁整

第一次整Panettone

要分三日整,足足發酵36小時

焗個時真係超級香

要放多2日先好食..

我要留返聖誕,睇下係唔係真係可以咁耐放先得

另一樣又係好花時間既野

就係聖誕樹蛋白餅

做法其實好簡單

只係唧個時要好小心

放粒咁細既星星上去又要好小心

然後要入爐焗2個鐘

但佢真係超好味..食到停唔到口...

尼緊聖誕日日都好忙

我地一家三口提早自己攪個聖誕大餐

三個人,六隻手,一齊係廚房整

感覺真係太太太正

好溫馨呀~~~

至於聖誕禮物

悠悠既聖誕禮物

我地買左單車比佢

新車一落地已經踩唔停啦

講住咁多先..

聖誕之後再見喇...到時再同大家分享下我個節目豐富既聖誕假啦

預祝大家聖誕快樂呀~~~~