優閒的星期六，約了友人到旺角行街食飯，上網得知朗豪坊有間smiley x eGG眼鏡店的cafe，有smiley笑面做主題咁得意，想去一試呀。
到了朗豪坊，已發現到店子，門面實在太搶眼了。
店子有售賣smiley的精品。
小小的店子，簡約主義的設計，白磚牆、淺木色的地板、木枱白椅，感覺柔和，天花板上掛有smiley波波，周圍擺放了smiley的精品及擺飾，到處都是笑面，充滿歡樂的感覺，餐廳隔離就是eGG眼鏡店。
用餐後如有興趣可到eGG行下。
牆上掛有不少smiley碟子，鬼馬的表情。
到了店子時，店員要我們先點餐後再入座。
餐具都是笑面。
雲朵薄荷咖啡，$42，友人的。
雲朵鮮奶咖啡，$42，賣相好可愛，棉花糖像白雲一樣，試了一點，口感帶有少許沙糖粒，棉花糖慢慢被咖啡的熱溶化了。
latte，笑面好醒神，口感綿滑，味道不俗。
有濕紙巾，食棉花糖後用，幾細心呀。
一口牛柳粒炒意粉，$78，牛柳粒比想像中份量多，口感軟嫩，幾好味，炒意粉夠惹味呀。
包鍋西班牙海鮮飯，$98。
貌似農夫包，內有蝦、魚、魷魚蜆及青口，十分足料，飯口感濃稠綿糯，有芝士味，都不俗呢，麵包配上濃郁的龍蝦汁伴食，幾好味呀。
環境有特色，食物味道不俗，價格合理，服務都幾好呀。
旺角亞皆老街8號朗豪坊10樓19-20號舖
