終於等到週末喇.....
牛扒餐我尼喇...
今日唔夠時間去吉豬島買和牛扒..慳返
去左PK搵牛扒,PK比較平民化,
至靚個隻牛扒都只係八十幾兩件
之前都食過依隻牛扒,都幾唔錯既
一於食佢啦
除左牛扒,悠悠order要忌廉湯
屋企有淡忌廉..於是去買包牛奶返去煮忌廉湯
再加入磨菇同洋蔥
飲過自家制用牛奶同忌廉去煮既忌廉湯
真係飲唔返罐頭呢...
連悠悠個咀都比我攪到鵰晒..真係攞尼X..哈哈
有忌廉湯,我一定要有餐包
依隻係嘉頓既牛奶餐包,超級軟熟好食既
叮十秒,再夾牛油..食三個都得呀..
飲完湯,牛扒出場
煮左個磨菇紅酒醬汁,超夾牛扒..
配埋脆玉瓜同紅蘿白..仲有放左係冰箱好耐既薯條,
好有港式扒房feel..
當然扒房唔會有咁多蔬菜啦
而且個牛扒比港式扒房個啲超簿既BBQ牛扒好味好多呢
我至愛依個七成熟
粉紅色又唔會流出血水
不過只有係屋企先煮到
因為我係用電磁爐,知道較到邊個位
如果用返明火..我真係唔識控制了....
