戰友last day飯 (╥﹏╥) 旺角番本日式放題

天下無不散之筵席﹐公司一位好同事+好戰友要last day了。指定動作﹐當然要食番餐好架啦﹗因為大伙人住香港東西南北﹐取其中心點﹐就選擇左去旺角。你知啦﹐男人一堆﹐通常都係揀D可以任飲任食之地。旺角番本日式放題﹐地點﹐價位等等都OK﹐於是就決定去呢度食番餐勁。

一行六人﹐一早BOOK位。夠鐘即入﹐安排左6人卡座。由於六人中有四名大男人﹐難免有D逼。旺角麻﹐彈丸之地﹐都預左架喇﹐OK啦﹗

都幾多野食﹐有成十幾張(﹖)紙選擇。我地加左錢食升級版﹐會比普通辦多一張紙~ 一黎到﹐男人們乜都劃﹐最先上同埋上得最快既﹐永遠都係壽司同刺身。幾新鮮同買賣相幾好﹐每碟刺身下面都會放冰架﹗自己個人最喜歡既係黑松露吞拿魚壽司&火炙三文魚壽司﹗

甜蛋壽司都好唔錯~ 因為我唔係好食生野﹐所以我食得最多既就係食甜蛋喇~ XD (其他人就狼吞虎嚥中)

燒物。唔錯唔錯﹐略嫌粟米無牛油香﹐寡左DD。

其他燒物同炸物。天婦羅又一坐低叫到埋單都無黎到﹐都有問過幾次﹐不過唔多有人理。最後老闆經過﹐幫我地追左。天婦羅蝦就無黎喇﹐不過好過無啦。個小小日本甜心番薯一啖一粒好好味﹗必叫之選﹗

蟹粥係升級版既菜式之一﹐果然係升級﹗朋友叫左3次﹐碗碗清﹗應該真係好好味﹗升級版刺新有大大隻牡丹蝦﹐我自己唔食﹐不過見D男人都叫左好幾次~ 哈哈哈哈~~ 手卷好味﹐D紙菜夠新鮮食落去係脆口既﹗

四川辣粉幾特別﹐雖然唔係好聯想得到同日式放題有乜關系。辣得十分過引~ 至於烏冬﹐中華冷面等等﹐老實講﹐貨色係一般既﹐賣相亦唔係太上鏡﹐唔特別講喇。

最後就係無論食到幾飽都一定要食既甜品喇﹗都幾多款式﹗日式放題黎講算係驚喜之作。其中以芒果布甸最為突出﹗又係一個必叫之選~

番本論環境﹐食物和服務﹐未見特別個人之處﹐菜式上亦無特別讓人深刻到要回頭番食既衝動。漏單程度約70%﹐尚可接受。不過老闆親力親為幫我地追野態度謙虛﹐加番D分。我都明白﹐旺角人又多﹐自由神更多﹐又係peak hour﹐難免有錯漏﹐員工做到無晒力以至無晒表情(總好過有負面表情既我估)。實在係香港飲食特色之一。最重要都係一大班好友hehehaha又一晚。係呢度祝好友前程錦繡﹗一路順風﹗﹗

openrice: http://www.openrice.com/restaurant/sr2.htm?shopid=125748&tc=sr1

FB: https://www.facebook.com/FanBenhk

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖ngayiellie@gmail.com
http://www.facebook.com/pages/Popcorn-express/560506497300434