BiBim Yangpoonine Korean Restaurant

BiBim Yangpoonine Korean Restaurant韓式餐廳已進駐香港好多年，自《來自星星的你》播映後，又再掀起一股食炸雞飲啤酒的熱潮，大家都一窩風走去韓式餐廳體驗一下千頌伊邊食炸雞邊飲啤酒的滋味，但正宗的韓國菜你又識唔識分？ 就等 BiBim Yangpoonine Korean Restaurant 話你知咩係正宗的韓國菜啦！BiBim Yangpoonine Korean Restaurant 位於旺角通菜街，係 拌拌韓國餐廳 BIBIM Korean Restaurant 的第二間分店，由地道韓國人主理，並以家庭式小店形式經營，所以不單風味十足，而且充滿家的感覺。BiBim Yangpoonine Korean Restaurant 的所有菜式都係即叫即煮，保証新鮮味美。BiBim Yangpoonine Korean Restaurant 的食物同煮法都十分地道，保留韓國獨特的風味之餘，部份食物亦因應港人的口味作出了調配。客人可選擇原味，品嚐一下韓國人的口味，亦可因應個人的喜好而選擇不同的辣度。唔好以為炸雞就真係得快餐店那款，其實韓國的炸雞係唔止一款口味的，在 BiBim Yangpoonine Korean Restaurant 你可品嚐到韓式原味炸雞、韓式甜酸炸雞、韓式辣味炸雞、韓式香蒜炸雞、韓式焗芝士炸雞 等不同口味的炸雞。如果想一次過品嚐唔同的口味但又怕一個人食唔晒？你仲可以選擇兩溝口味！你亦可選擇有骨或無骨的炸雞，絕對適合喜愛吮骨或者怕吮骨的你！當然唔止得炸雞食啦，BiBim Yangpoonine Korean Restaurant 仲有多款韓式地道菜，例如石頭窩什錦拌飯、泡菜拌麵、炸醬麵、牛肉粉絲什菜火鍋等，銅盆韓式豬肋骨煲、芝士豬肋骨、銅盆豬肋骨泡菜湯更係必食推介！