北京樓 (旺角店)

北京樓 是美心中菜旗下京川滬湘菜。北京菜 以濃味為主，內裡帶點酸辣，混和了漢、滿、蒙、回等烹調技巧，並繼承明清宮廷菜肴的特色，形成京菜花色繁多，調味精美，雍容華貴的風格。著名的北京菜有 北京填鴨 、松鼠黃魚、富貴雞、宮爆明蝦球等。以下係探險家《May姨blog》為大家作出既實地報導：「蛙宴 @ 北 京樓」4/11, 又約埋幾位姊妹食飯, 今次去新世紀北京樓.我最早到, 啪住碟青瓜先, 五個人, 侍者放低兩碟. 想懶d架啦, 就咁叫個套餐就唔駛諗.後尾諗下, 不如散叫仲好啦, 試多幾樣, 反正中環北京樓我都食過好多次, 大路野都係咁上下架啦. 先黎醉雞, 蛙妹話上海朋友教佢去雜貨鋪用$14買枝醉滷(一枝搭150ml紹興酒), 浸五個鐘, 出黎既醉乜醉物就會好好味架啦. 呢度既素鵝一向有水準, 好味道.韭菜蛋餅, 同佢既餐牌出入太大啦, 入面得好少蛋.小籠包皮薄, 以我咁高超既筷子功, 一夾就穿, 唔合格. 我係俾餐牌幅相吸引, 先點呢味XO醬腸粉蝦球煲既, 原圖係牛河色既炒腸粉, 頂頭放咗蝦球, 面面有D XO醬既. 估唔到黎到係咁多醬汁既, 但味道好好, 又夠熱, 可惜油咗D.呢碟醬爆雞粒, 份量相當, 抵食.廚師推介既蟹粉扒豆腐, 杰撻撻生粉漿, 好油.賽螃蟹, 唔錯, 亦冇成氹油.宋嫂魚羮, 刀工細, 味道不過不失.五個女子, 食咁多野, 都咪話冇食力呀.(查看詳細攻略內文請按此)