薈‧味 Taste Collection

薈‧味 位於屯門震寰路3號德榮工業大廈12/F，是家以 到會 食品為主的 餐廳 ，提供多款外賣 美食 ，是個派對party的食品好選擇！以下係探險家《Kawai》為大家作出的實地報導：「・ღ 2014 我的第一個到會Xmas 趴 ✿ 薈‧味 Taste Collectionღ・ﾟ」每年聖誕新年,總有很多朋友要出席一人帶一個食物share那種趴地!而廚藝只屬於幼稚園級,都會覺得幾頭痕...都最後,都係叫家母幫拖,所以叫到會就最好的選擇!!!(不過中伏的機會都多!)在芸芸咁多間到會餐牌海中遊,最後,決定揀呢間叫 "薈‧味 Taste Collection"!原因是我工作的地方,不時都有Order開,質素亦穩定/不錯的!!!今次叫呢個係聖誕節的Promotion $2680/15人份(原價$3530)平均都是$180 / 人,對有要求(而又不想菠蘿腸仔)的朋友屬中價之選吧!另有其他套餐, 價錢在此也不詳述了!!煙火雞配凱撒沙律火雞肉沒有下重手的調味,只有淡淡的黑胡椒香味,口味比較清爽,沙律菜量多而且切得大少剛好另外芝士及汁醬都是分開上的,我這些天生不愛醬汁的,覺得安排非常好! 香芒泰式鴨沙律我的口味偏好比較輕怡,基本上沒有很濃重的醬汁我就會很喜歡!酸甜帶點微辣的調味帶點泰式風情,伴勻可吃到三色椒及芒果的甜味,鴨絲亦煮得剛好 屬於比較開胃之選~瑞士雞翼開P點可以沒有雞翼,雞翼調味不會死咸,皮肉都很滑~而且一食就會骨肉分開,食o既時候不狼狽!  煙肉卷牛仔腸做法簡單的只是把煙肉同牛仔腸卷埋一齊焗就是了,簡單要做得好食,其實就要睇材料! 呢個牛仔腸真係超好食,一食就知係貴價貨!我好少食肉都覺得好味!邊位焗到有少少焦,有d豬油流出來,食落一d都唔會乾爭爭!!食o個時仲係熱辣辣的!!    香煎龍脷柳配自家制鮮茄汁龍脷柳調味好咸,而且茄汁份量都比較少,同埋煎過回左水有d淋淋地,自己就麻麻了!!  泰式豬頸肉配香炒時蔬很喜歡呢間到會就算是肉類的菜式,都會在旁邊放很多的蔬菜,而且都是揀手靚菜!!三色椒,翠肉瓜都清甜,豬頸肉很爽口呢!!  雜錦海鮮意粉白酒忌廉汁因為我自己不愛忌廉汁,所以沒有試.....不過看到材料也粉足量的!!蜆,三文魚,蝦也是大手大手的下!!  日式咖喱雞飯咖哩是甜咖哩,不喜辣的朋友也可吃到,白飯應該是珍珠飯,煮得粒粒分明, 極LIKE! 的確,我很怕吃爛飯的!!韓式雜錦肥牛炒烏冬味道有點像泡菜的酸酸辣辣,味道都幾開胃,不過,吃到最後時,菜類開始出水時,賣相就比較差了~~呢個真係要快食~   精選甜品好啦!!!到甜品了,其實食了這麼多,我們也吃不下甜品,甜品是比較簡單的Cupcake 同 馬卡龍~小小的Cupcake感覺聊,可愛多於好吃,Cream 的部分都加了一丁點閃粉!遠看很似閃閃的聖誕樹喔!!馬卡龍方面,我吃了一個綠色的,實在吃不出是什麼味道~整體來說,我覺得食物質素也不錯,聖誕節的套餐亦會送紅酒一支~而且佳節流流都不想白忙一(幾)場,搵人出手乾手淨腳,家母就最高興 (不用煩到她老人家),哈哈哈! 薈‧味 Taste Collection屯門震寰路3號德榮工業大廈12/F  3690 1087