抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

香港聖公會靜修院

1評論人均$301-$600
付款方式:現金
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

香港聖公會靜修院介紹

香港聖公會靜修院,一個屬於聖公宗大家庭的靜修院,已於2012年2月1日正式啟用!靜修院現在誠意邀請「你們來看看。」(約翰福音1:39),在寧謐處與主相遇。為香港聖公會聖品、同工、個別教友及小組團契提供一個在大自然環境中作靜修退省、與主契合的寧謐空間;也為不同宗派之同工及神學生開設臨床牧關教育(CPE) 課程。院規為確保靜修院能夠提供一個寧靜舒適的退修環境,請使用人士遵守院規。在院內嚴禁喧嘩,尤其於公共地方及用餐時必須保持靜默,衣著端莊,愛惜公物,保持地方整潔。有關規則已放置在各房間內,以供參考留意。設施設有房間20間(雙人房6間、單人房12間及單人套房2間)、靈修閣6間、祈禱室3間(約10人)、面談室1間、小聖堂(約26人)及餐廳2間(可供26人使用)。室內冷氣設備齊全。 費用自由捐獻,因營運成本建議捐獻如下(聖公會為認可慈善團體,捐獻可申請稅務扣除):1天宿營(包括早、午、晚餐) 每位HK$350日營(包括午餐及房間)週一至週四,公眾假期除外 每位HK$300日營(包括午餐)週一至週四,公眾假期除外 每位HK$200以下係探險家《Rita》為大家作出既實地報導:「26 & 27-4-2014:美麗寧靜與感恩的避靜@長洲聖公會 靜修院」我哋跟住指示牌前進~到了﹗﹗入口一個大閘,一排粉紅色o既三層矮房子,好似村屋咁,職員招呼我哋入去餐廳安頓~要「哇~」一聲,因為…原來呢度係對住180度超無敵大海景o架~~~~~~~太幸福了~大家想嚟呢度避靜,可以參閱呢個網址:http://www.hkskh.org/content.aspx?id=48&lang=2坐係度可以遠眺對面o既海島,包括香港島同埋南丫島~對住無敵海景平台o既就係位於D座o既餐廳,A至E座五座房子都有宿舍房間,單人房雙人房都有,兩至三個房間共用浴室,E座地下有個小聖堂,我哋晚禱早禱都係度舉行~因為係2012年落成,所以內內外外都好新淨、好舒適,沖涼o既舒適度簡直同屋企冇分別呢~我住o既D座一樓有三個房間,大家share一個小客廳,小客廳有落地玻璃同埋露台,好舒服丫~天有不測之風雲,我正開晒啲窗要通下風,哇,啲雨殺到嚟啦,又要拿拿聲關番好啲窗~有兩日一夜時間,老公大致上算係統籌人,佢俾大家自由課題,自己想點樣靈修就自己點樣做,不過如果冇idea就建議讀羅馬書或雅各書,但出發前就俾咗建議我,你帶嗰本書去睇啦~嗰本書就係呢本書喇,係青年版o既天主教教理,將我o既信仰好好咁由頭到尾講一次我聽,好好呀~成個行程我完成咗一半左右啦~其實裡面講o既嘢小學時o既主日學真係學咗好多好齊,觀念上都好牢固咁植根係我心入面,不過用文字有系統地表達一次都係鞏固我o既信仰o既~大家可以睇下youcat o既官方網,不過暫時只有英文版呢:http://www.youcat.org/home/search o既時候仲發現原來有youcat o既免費app添丫~好good呀~我哋各自修行到六點就係晚飯時間,晚飯係家庭菜式,但以自助餐咁進行,三餸一湯,白飯任裝,仲有水果無限量供應添~係舒適o既環境,加上輕柔o既音樂用餐,感覺真好~飯後各自洗碗,好有去camp o既感覺丫~飯後係晚禱時間,day預備咗幾首詩歌,加上大家自發性祈禱,感覺到大家熱切o既信德同望德﹗﹗感謝主,求主繼續帶領呢一班信靠你o既兒女~基本上晚禱後都沖涼瞓覺了~呢張相發生時其實冇我o既存在,要鳴謝提供相片o既姊妹…:p~因為佢哋相約大家睇日出﹗但我zzzzzz中…好靚好靚啊~到早晨,呢個天空嘛,聖經入面講o既「天開了」係咪就係咁?一束束光線係雲彩之間透出,咁大咁廣闊o既天空,咁靚o既色彩,係平日繁忙o既生活又係邊度搵得到呢?