1.
蟲蛀豆: 當你發現生豆表現上出現黑色點點, 甚至係一撻撻黑色, 呢D都係俾蟲蛀左既痕跡.. 輕微蟲蛀要細心觀察先會見到
2.
貝殼豆: 形狀好似貝殼, 因為咖啡果生長異常或者水分不足而形成, 如果係深烘焙, 會容易著火! 見到一定會揀走佢啦!!
![]()
3.
帶殼豆: 係咖啡果既處理過程之中, 會去除外果皮同內果皮, 有時會部分內果皮未能完全清除, 呢個情況多數出現係水洗豆
4. 破裂豆: 處理過程中被壓破, 我之前曾經見到有一包生豆有超過20%既破裂豆, 相信個批咖啡豆既處理過程應該出現左問題
除左以上呢4種, 發霉豆, 黑豆甚至石仔都屬於瑕疵豆, 佢地都會令咖啡出現怪味, 甚至係烘焙過程帶來危險, 所以唔好睇少瑕疵豆 ! 係烘焙咖啡豆之前, 用少少時間揀豆, 會令你杯咖啡更完美!
