Day 4 台北之旅 ♡part 2♡

行得累累哋, 我哋落咗誠品地庫, 我成日都見到一底好似蘿蔔糕的東西, 但又唔係叫蘿蔔糕喎! 原來叫"九層炊", 試下好唔好食都好喎,   

咁我哋就叫咗呢3樣嘢喇, 分別係: 九層炊, 蟹肉米粉焿, 魚丸, 除蟹肉米粉焿嘛嘛地外, 其它都味道唔錯, 如果d嘢唔係暖暖哋的話, 會仲好味!

跟住我哋就坐MTR 去"南京東路站" 落車, 打算去睇"袖珍博物館", 你睇, D 家具整得好靚好細緻呀! 睇相真係唔覺係袖珍呀!

雖然間館唔係好大, 但都睇咗成粒幾鐘至走人, 跟住坐TAXI 去找呢間"佳德" 買鳯梨酥, 佢呢間的鳯梨酥攞奬的, 靜靜話你知, 未食呢間的鳯梨酥時, 我老公都話"港記"好味D, 當佢食完後就改口話呢間好味D, 而且唔太甜, 仲有好香菠蘿味TIM, 價錢同港記一樣, 真的要買鳯梨酥,

* * * 推介買呢間, 一定話無介紹錯。

買完手信, 先行返飯店, 夜D去華西街夜市食嘢!

...............待續!